Ich habe mein Tagebuch schon auf dem Computer rein geschrieben aber in Schweizerdeutsch und da ich zu faul bin es noch auf Hochdeutsch umzuschreiben kopiere ich Teile daraus ;)
17.2.13: Morge friech acho u de uf d’Suechi nach mim
Backpacker, meter Metro ufe gfahre i Kings cross (dr Kreis vo dert) u has de o
scho gfunde, natürli hani (wie meischtens die Backpacker) noni chöne itschegge
wöui scho um die 8i dert gsi bi! De hani dr Backpack chöne dert lah u bi de ca.
4h ga d’Stadt besichtige u das aues z’Fuess obwoui scho zemli kaputt vom
Greyhound (Bus) gsi bi, am Afang ischme haut no vouer motivation zum aues ga aluege u
am liebschte gd sofort ^^ Nach däm beni de mou zrug ga itschegge (um die 12i
hani de entli chöne) u ha mini roommates könneglehrt, e dütschi u die andere
si gd uszoge a däm tag… isch e cooli frou gsi aber da si scho länger dert isch
gsi hetsi scho paar lütlis kennt! Hami chli igrechtet u met ene gschnurret u am
abe beni de as Chinese New Year gange, isch sone Umzug gsi ider Stadt unde,
ähnlech wie bi üs e Fasnachtsumzug. Eigentli hanimi miter Giada wöue dräffe
aber es si so viu lüt dert gsi dasmer nüm zunang hei chöne ga, aues gsperrt gsi
mit zühn… Naja, mer si beidi kaputt gsi u vo däm här ischs haub so tragisch
gsi, bi de nachem Umzug ou mou hei ga penne.
18.2.13: Am hütig Tag hani e Schwizerin bim Zmorge
könneglehrt (i gloubs ömu i hase so könneglehrt ;)) u hei üs entschede anstatt
beidi elei im Züg umewatschle chömer ja zäme d’Stadt chli ga besichtige.
De simer zuder Harbour Bridge u dert bi sore Sühle ufegange u de hetme e schöni
Ussicht über Sydney gha. Am Numi hemer de no Giada droffe u hei sones feins
Yoghurt Glace gässe u si de no is Chinatown womer üs vor Giada leider schoweder
hei miesse verabschede wöusi es sharehouse het chöne ga aluege… D’Nadine isch
de dr Chinesegarden ga aluege u i bi dert füre gloffe zum Hard Rock Cafe u de
hemer üs de weder droffe u si no e rundi meter Monorail (zug wo d’schene er
luft si) dräit, isch ned unbedingt wäutbewegend gsi aber hetme glich miesse
erläbe ergendwie ^^ Nächär simer hei zue u hei üs de ir chuchi droffe zum
choche, isch ächt cool gsi öber z’ha. De simer beidi mied
gsi u hei üs entschede nur i Karaoke Bar es Bier ga drinke u de weder hei zue
ga. Si het de no es Lied gsunge, het vou e gueti Stimm gha.
Eigentli wäre die andere vom Hostel o no cho aber schlussändlich sisi de glich
nüm cho… na ja, eigentli hemer vou im Partyplatz gwohnt aber bi glich nie
rechtig i Usgang da i meischtens so kaputt gsi bi vom Tag, ke gäut ha gha u am
nöchschte Tag meischtens weder friech uf bi u ha miesse fit si aber has ned
tragisch gfunde ha schliesslich gnue Party in Byron Bay gha ;)
19.2.13: Hüt simer friech ufgstande u hei dr ganz Tag bide
Blue Mountains verbrocht. Bi metere Französin (Loraine) wo i mis Zimmer zoge
isch u dr Nadine zäme gange :) Isch meega schön gsi, liebe so Natur, si miteme Bus
use gfahre u de Bar Stunde gwanderet aues de Blue Mountain entlang u zum
Schluss hemer no die 3 sisters gse u hei de dr Bus weder zrüg gno. D’Nadine
hetsech am Schluss gd no verschesse verträtet u wäg däm hemer o nüm gross witer
chöne loufe aber si e gd am schluss gsi aso glück im unglück. Bevormer weder
zrüg si simer no schnäu die Gondle ga luege wome zum Glück diräkt metem Bus het
ane chöne u nur 5min. het miesse loufe u de isch die 2stündige Zugfahrt weder
vor üs gse. U de „ Home sweet home“ , aui chli kaputt. De hani meter Nadine
nomou kochet u de ab is Bettli!
20.2.13: Am hütig Tag hani ke Plan gha, bi mou ufgstande u
d’Nadine isch a däm Tag ebe gange… de hanimi gloub zersch meter Giada wöue
dräffe für a Strand aber si het de glich ned chöne de beni haut paar Stund i
Park chli ga relaxe u Music lose u öbers läbe nochedänkt, dasch ame o schön u
duet guet ;)
I däm Park si aui am spörtle gsi, het no cool usgseh sone schöne Park u
zrengsedume eifach aues Hochhüser^^ De hani nomou Kontakt meter Nadine ufgno u
bese de ir Stadt ga verabschede u ha dänkt i loufe mou zum andere ändi vo
Sydney, zum Hafe. Ha no meter Chiharu gäng gschrebe aber se het o nie so chöne
aber schlussändlech hemers denne no gschafft u si het zum Glück gd ir nöchi
gwohnt vom Hafe u de ischsi mi cho hole u bi de ihres Sharehouse ga agügsle.
Si het met coole lüt zäme gwohnt, meteme Spanier u Columbianer u no 2 anderi
gloub, de hemers luschtig met dene gha ^^ De simer no zäme füre zur Harbour
Bridge gloffe, hei eigentli dr Sunneuntergang wöue luege aber isch chli spot
gsi aber isch o schön gsi Sydney mou ir Nacht gse. Nächär hemer no zäme
öpis gässe im Subway u de ischs mou hei zue gange, isch e cool abe gsi.
21.2.13: Am hütig Tag beni gloub mou ca. bis am 11i im Bett
gläge, einisch mou usschlafe u ha ou gäng noni gwüsst öb Giada etz a Bondi
Beach cha cho oder nid aber schlussändlech hemers de fertig brocht u si zäme a
Bondi Beach am Numi :) Dert hetme gd gmerkt wie schön Byron Bay isch gsi,
dert hetme eifach schnäu metem Velo a Strand chöne fahre in Sydney hemer zersch
s’Tram miesse nä u de no dr Bus womer no lang hei miesse warte u dr Strand isch
o kes Highlight gsi… rächt chli u o nid unbedingt so schön aber isch e coole
letschte Tag gsi.
Mer het eigentli besser dert dä Skateboard Platz gfaue wo gd am Strand isch gsi
as dr Strand säuber^^ Hei ämu beidi gd Byron Bay vermesst… gäge abe ischs de
heizue gange ga packe u friech is Bettli da i am 4i uf ha miesse für a Flughafe
ab nach Perth!
Keine Kommentare:
Kommentar veröffentlichen