22.2.13: Am 4i hets gheisse ufstoh u ha fasch nüt pennt wäge
so 2 wiiber wo am morge einisch hei cho si u hei gmeint dassi gäng no ar Party
si -.- Hei eifach s’grosse liecht aglo, vou gschnurret u gfrässe. Naja zum
Glück beni de gange u ha die gar nüm miesse könnelehre! De hani dusse chli
miesse warte u ha vou so Penner gse wo dert am Bode pennt hei u ou sone
Homeless möngu wo vou hacke isch gsi, bi de froh gsi wo dr Bus endli cho isch u
de ischs ab a Flughafe ab nach Perh woni ca. am 9ni acho bi! Natürli hani o
dert noni chöne itschegge u bi wäg däm o chli dür d’Shoppingmoule woni sones
rucksäckli gsuecht ha wo so bändeli het u so dünn isch, schlussändlich hanis de
gfunde, isch ebe vou miesam gsi gäng miter chline täsche! U ha ou ke Motivation
gha etz vou e Stadtbesichtigung mache wöui ou rächt mied gsi bi! De beni mou
zrüg ga itschegge u ha de gd e Holländerin könneglehrt, die het gärn gredet u
isch o viu im Zimmer ghanget aber si isch o scho länger in Perth gsi! De hani
mou mini Chleider gwäsche u ha dert e Dütsche könneglehrt u bi eifach chli im
Hostel ghange! De beni mou ga choche
u ha dert e dütschi (Vivi) könneglehrt. U de ischs gli mou is Bettli!
23.2.13: De hani meter Vivi e Zit abgmacht am
Morge dasmer chli zäme usegö, ha scho miesse ustschegge da i die anderi Nacht
ines anders Backpacker ha miesse, chli kack gsi aber haub so schlimm! De
hani dr Rob (dä Dütsch vom wäsche) weder droffe u dä isch de o no met üs
metcho! De beni zersch mi Backpack is andere Backpacker ga bringe u de simer
mitem Bös rechtig Kingspark gfahre u dert de so stäge ufegloffe u chli dr Park
besechtigt, vou schöne park gsi u het ou d’ussicht schön über Perth gha.
Am Mittag hemer üs de drennt wöu si d’Stadt scho gse hei, de benise elei chli
ga besechtige aber zum Glück hets so gratis Bös gha de hani net aues miesse
loufe wöu es hetsech scho rächt zoge! Aber es het gar nid so viu zum gseh gä, es
paar Parks u a däm „Seeli“ ischs no schön gsi! De hani d’Vivi weder bem choche
droffe u hei dert no chli gschnorret u dert si o no so anderi dütschi gsi
wosech de ou mou dr Muet gfasst hei met
üs chli afo schnorre! U de beni mou is Bettli u ha gd schissdräck verzöut, ha
gar noni miesse dä morge ustschegge^^ Ersch dr nöchscht morge!
24.2.13: Hüt am morge hani miesse ustschegge u hami meter
Vivi weder droffe, de hani dr Backpack zersch is andere Backpacker brocht u si
de met andere lüt wo si scho könnt het (eignetli fasch aues dütschi^^) vomene
andere Backpacker nach Fremantle! De hemer no uf 3 anderi gwartet am Bahnhof, e dütsche u 2 anderi wo dä könnt
het u de ischs los. De simer aui zäme dert dure Märet u isch o no e
Koala dusse gsi u hei de no chli de Streetartists zueglost u de ischs rechtig
Hafe gange wo sones Free Openair isch gsi for Protect the Kimberly (gloub Wahle
u Aboriginy, oder so). Isch ächt cool gsi, hei no dr Hafe chli besichtigt, isch
es schöns Fläckli u hei dert de no anderi dütschi wosi scho kennt het droffe u
si de die meischti zit mit 2 andere unterwägs gsi u hei am Festival o no e
Australierin könneglehrt wo üs es Bierli gspändet het u vou cool isch druffe
gsi. De simer blibe bis d’Sunne undergange isch u de metem Zügli weder zrüg gfahre u
de ischs für me elei i das andere Backpacker „Britannia on William“ gange isch
woni no Spaghetti Pesto kochet ha u de is Bettli bi wöus am Morge gheisse het
friech ufstoh für Tour nach Exmouth :)
25.2.13: 6i ufstoh, packe, ustschegge u uf zmorge suechi^^
isch aues no zue gsi aber ha de no es kafi u es gipfeli becho.
7.15 pick up time, ha gd paar zwägi lütlis könneglehrt. Am erscht Tag simer dür
sone chli Park womer paar Koalas gse hei u de simer zure Tropfsteihöhli gfahre
u dert ca. 1h oder so dine gsi, isch no spannend gsi aber fasch chli z’lang u
de ischs so wie zume Seeli womer Z’mittag gässe hei, meega schön gsi u de ischs
witer rechtig Backpacker. Uf dere Tour ischme viu im Bus ghocket aber
schlussändli chani säge es hetsech glohnt has nämli am schönschte gfunde ar
westcoast, die schönschte stränd woni je gseh ha u gloub es get nid viu
schöneri! De hemer dert mou chöne düscherle u chli relaxe, isch andersch heiss
gsi die ganzi tour (ca. 40°). De simer zude Pinnacles (so stei wo vom bode
chöme, ganz viu ofere area) u hei dr Sunneuntergang gluegt, vou schön gsi, de
hets feini Lasagne gä u de het eini (e Holländerin Mirthe) no Gitarre gspiut,
paar Bierli killt (ig leider nid da i ke gäut ha) u chli gschnurret^^
U de ischs mou ab i d’häia!
26.2.13: De ischs am morge friech weder los, wie eigentli
jede morge, zersch ine chline Tierpark wos sone geile Papagei gha het wo het
chöne schnurre u ha mis erschte babykangaroo gse :) De ischs witer u
unterwägs hemer sone geile leaning tree gse wo usgseht het wiener vomne Sturm
umgluftet worde isch aber glich no steit^^ De hemer ergendwo Lunch gässe u de
ischs rechtig Hutt river Boarder, das isch sogseit es anders Land mit König u
Königin aber es isch im nüt usse u es stöh eigentli nur gd mou paar Hüteli dert
u är isch derte gsi u de hemer e Stämpfu i üse Pass becho wöus ja es anders
Land isch, vou luschtig^^ Aber isch chli längwilig gsi wöuer vou viu
gschwafflet het u me hets fasch nid verstande u die Flöige dert si huere närvig
gsi u natürli andersch heiss! De ischs zu ergendere Natural Bridge u zu so wie
Klippe Costla Grove, het ou cool usgseh. De ischs scho rechtig
Backpacker womer a Strand no si ga bade u de dr Sunneuntergang gügslet hei,
meega schön gsi.
Ab unger duschi, Znacht gässe u de scho is Bettli!
27.2.13: Ufstoh, de ischs ab zu däm bekannte Steifänschter,
isch eignetli schüsch nüt meega bsonders gsi aber het cool usgseh. De simer so
zumne „Seeli“ gfahre u si dert abe gwanderet, dür so Stei düre u de hetme chöne
abseile weme het wöue u de simer no ganz abe gloffe zu däm Seeli u de weder
zrüg. De ischs ab a Shellbeach wo dr ganz Strand nid us Sand ischs gsi sonders
us Muschle u s’Wasser ou vou klar u meega sauzig, het vou schön usgseh. De
ischs rechtig nächschts Backpacker u womer acho si hemer no e Emu ufder Strass
gsi umeloufe u dert si d’Hüser us Muschle gmacht gsi! Dert simer no chli i Pool
ga bade u de ga dusche u Znacht gässe. Si het weder chli Gitarre gspiut u hei
chli gschnurret u de weder ab is Bettli!
28.2.13: A däm morge ischs zersch rechtig Monkey Mia womer
hei chöne e Delfin fieterig zueluege u wär Glück het gha het o chöne eine
fietere u de simer lang im Büsli ghocket u hei unterwägs no öpis bsuchet, weis
nöm was u de hemer Lunch gässe imne verlassnige Dörfli u de nach langer Fahrt
im Büsli simer bir Schaffarm acho womer üsi nöchschti Nacht verbracht hei. De
simer met Jeaps a Strand brocht worde, hei chöne hende inne hocke wie in
Thailand u hei dert chöne bade, isch es rächt wiuds Meer gsi u hei de dr
Sonneuntergang no gluegt. De ischs zrüg ga dusche u de hets Znacht gä u zum
Schluss no es Lagerfüürli metem Wolfgame u Marschmelows überem Füür, mmmh isch
das guet gsi.
u de ischs mou ab is Bett, me het o dusse underem Stärnehimmu chöne penne!
1.3.13: Am nöchscht tag isch am buubs (üse guide) si day off
gsi, de simer zersch chli gfahre u hei bim tropic of capricorn schiud gstoppt u
de es wili gfahre ane strand. Dert simer de ca. 5-6h blibe u hätte chöne ga
touche oder so anderi chlini tours mache aber da i scho nüm so viu gäut ha gha
hanimi entschede am strand blibe! Bi chli mit de dütsche ghanget, chli
umegläge, music glost, gschnorchlet u mou no öpis ga ässe… u de ischs ab zu
üsere ändstation, exmouth, womer de itschegget hei, düscherlet u de het dr buub
für üs takos kochet met nachos u sekt derzue. Het dr tisch sogar
mega schön deckt, ächt cool gsi. De isch dert gd es pub gsi, welch wunder, hei mou
weder chli i usgang chöne u am nöchscht tag sogar chli lenger chöne schlafe!
2.3.13: De ischs de mou uf u de simer ane strand gfahre wo
fasch niemer gsi isch u dert hemer weder chöne ga schnorchle, zum glück hani vo
üsne liebe lüt immer chöne dr schnorchu uslehne so dasi nie ha miesse zahle zum
miete ;) dert hetme eifach chli chöne useschwümme u de hets scho koralle gha u
fischli, ha sogar e wasserschöudchrot gse u das isch mis ziu gsi vom tag. Ha ebe chli respäkt gha wöui nid gärn sowit use ga dasi nüm cha stoh aber es
isch eini met mer metcho^^ u dert hetme ebe no miesse achte dass eim nid
z’fescht uf die einti site ziet wöu met het ganz äne ine miesse u de hets eim
vonelei fürezoge u de hetme vorhär usse miesse dasme nid i dä gfährlech strudu
cho wär! Aber isch aues tip top gange. Meega schöne strand
wie ader ganze westcoust, die schönschte stränd woni i mim läbe gse ha u i
gloub das isch schwerig zum tope wöu dert hets o nie viu lüt gha u ds isch ebe
schön. De ischs weder zrüg zum Backpacker u de simer no chli i Pool dert ga hange
wöus eifach so heiss isch gsi gäng u de düscherlet u de aui zäme ines Pub ga
Pizza ässe. Isch rächt güngstig gsi (für westcoust) u mer hei no fries u Bier
derzue becho.
De ischs met voue mäge zrüg is Backpacker wo die meischte dert no chli am Tisch
zäme ghöcklet si. De ab i d’häia!
3.3.13: Hüt isch ganz Tag Büsli fahre agseit -.- Ha dänkt i
werde das ned öberläbe aber isch no rächt guet gange, einisch gwöhntme sich as
umehocke. De hemer so imne chile Gebäude pennt wo näbedra o gd e chele isch gsi
u e religiösi schueu ^^ nichts für mich… u ds kaff isch natürli weder mou meega
chli gsi, de simer ines pub ga ässe u no öpis drunke u aui männer si dert vou
uf froue suechi gsi oder bessergseit die gsäi eifach u huere säute froue u de
isch das natürli gd es highlight gsi wo mer cho si^^ De simer no chli
dusseghöcklet bim Backpacker u chli gschnorret.
4.3.13: No e haube Tag im Büsli hocke u de hemers überläbt^^
Am Mittag simer de in Perth acho u de hets absched nä gheisse, isch gd komisch
gse dasme die nächär nüm gseht wöume sich scho gwöhnt het angang, isch ächt e
super Woche gsi :)
I ha de bim Boss vom Buub dörfe warte wöu mis Flugi gd am 11.45pm gfloge isch
nach Melbourne. Die hei 3 Hönd gha womi zersch fasch wahnsinnig gmacht hei u
Tochter isch o no dert gsi wo fasch dr ganz Tag TV am ufem Laptop gluegt het…
Aber si si meega lieb gsi, ha sogar dörfe Znacht ässe dert u ha chli TV gluegt
u im Internet ghanget aber bi de o froh gso wos endli los isch gange rechtig
Flughafe u ab nach Melbourne :)
Keine Kommentare:
Kommentar veröffentlichen