Ghan and Alice Springs

24.3.13: Am 8ti simer ufgstande u hei richtigs Brot dörfe gniesse :) Packt u de heimer wöue i woolys oder coles ga poschte für im Zug aber beidi mache ersch am 11i uf -.- De simer ga ustschegge u zur Busstation u de isch de üse Bus cho u si am Bahnhof vom Ghan acho. De simer dert bi däm chline Restaurant no öpis ga poschte, Sushi hani gloub gno u de hemer o scho ine chöne. Het ächt gmüetlech usgseh, Sitze wome wit cha abestöue, duschine u es härzigs Restaurant. Mou luege öbmer die 24h i däm Zug überläbe^^ Zersch heimer mou es Nickerli gmacht u si de zum Restaurant füre öbis ga trinke u chli über Family gredet, viu me chame im Zug ja nid mache^^ Si weder zrüg uf üse Platz u hei gloub e Tonne Föteli vo üs gmacht^^ Spöter simer de mou ga Znacht ässe, isch nid mou schlächt gsi u de hemer no Charte gspiut metere Japanerin (Pam) u um die 9ni simer de langsam ga penne, am bode^^ Si hei zwar zersch gseit nei aber da hender üs niemer isch gsi heimer beidi stiu chöne u es hei so glich no aui Problemlos chöne bim Gang düre loufe. Good Night :S

25.3.13: Um die 8ti beni de mou ufgstande u ga dusche, ha nid soo schlächt gschlafe aber hamer gschwore weni s’nächscht mou Backpackerreise de nemi e schlafsack met^^  De isch d’Celine o mou uf u de simer ga zmörgele mit üsem Brot u Schoggimöuch. De simer nomou ga penne bis ca. am 12i u etz chömemer de a u gsäi wie s’nächschte Abendtür wird ;) Weme usem fäischter gluegt het hetme meischtens nid so viu gse, meischtens wieschti ab und zue es flüssli oder es Dörfli u natürli paar Böim aber me het me gseh asi überhoupt dänkt ha. Um die 13.45 simer de acho in Alice Springs u hei es taxi wöue nä, das so tüpig isch gsi u mer net aues häte möge loufe metem Backpack! Am Bahnhof hets sozäge nüt gha, ned mou es Restaurant oder so^^ De het d’Celine eine gfragt u dä het üs de met i d’Stadt gno u dert usglade u schöner hemers de fasch nid chöne ha u hei zu gueter Glück gd dr Mike (Couchsurfer) uf dr Strass atroffe u het üs die paar Meter no schnäu uf sim Jeap hende druf gno^^ Mer si fasch usegfloge so wie dä gfahre isch^^ Het e cooli Hütte gha u hei no 2 anderi Wiiber dert Couchgsurft, es Thaigirl Wassi u es Frenchgirl Bambu. De simer chli i d’Stadt mit de Bambu oder bessergseit nur schnäu i Woolys, het o nid wahnsinnig viu z’gseh gä. De simer weder zrüg damer met desne abgmacht hei u de simer ufne Bärg ufe gwanderet, ca. 2h, isch cool gsi aber etz o nid unbedingt ein muss zum mache^^ Womer de abegloffe si hets immer wie meh afo schiffe u isch de o chli chöuter worde aber schösch isch immer heiss gsi. De simer zrüg gfahre u aui si zersch mou ga dusche u de hei d’Celine u ig u d’Waasi kochet u hei de aui zäme gässe. Die huere Französin hani ned so möge lide da si eifach ke Finger krümt het -.- u nur wöu  mer ender uf hei miesse hetsi so schnäu entschede das mer ufem Sofa penne u si meter Waasi i disem Zimmer ufder Matratze! D’Französin isch nächär ga penne u mer andere hei no es Charte Spiu namens Jungle Speed gspiut, i bi de chli ender scho ufs Sofa ga legge u chli pennt u die andere hei no chli witer gspiut u heis zumne Suufspiu gmacht^^ Si hei aber o nüm au zu lang gmacht u si de go penne.

Great Ocean Road and Adelaide

20.3.13: Am 9ni hemer üs vor üsem Hostel droffe, gratis Zmorge vom Backpacker gha u de use ga warte. Dr Ali isch chli spot cho u etz chunt s’beschte, miteme BMW hemer d’GOR gmacht u eifach aui andere mit so Büsli u mer meteme huere Schlette^^ De hemer scho bimne Strand gstoppet u schnäu e Blick druf gworfe aber isch nüt speziells gsi u de simer no i Aldi ga shoppe dasmer o Nahrig hei. De hemer Zmittag am Lova Beach oder so gha wo sones Pärli met üs chli gredt het u anderi Schwizer si o no meteme Büsli dert gsi. Ab und zue hemer gloub no gstoppet eifach zum schnäu luege u de ischs rechtig Apollo Bay womer schnäu a Strand si ga hange. Die andere si fang gange u i ha schnäu dür das Dorf wöue loufe u wär gsetme per Zuefau weder, dr Nitai, Yanick u no sone andere^^ Bi vordra gstoppet u zrüg gsecklet u d’Celine gstoppet u gseit si söu schnäu mitcho, de simerne ga Hallo säge! Dert am Strand hemer de no gluegt wägeme Bus wo üs chönt ufgable ir Mitti aber leider hemer die schlächti Nachrecht übercho, leider chame ned eifach so er Metti istige u es get ke Büs wo dert fahre, das heisst mer hei met desne weder zrüg nach Melbourne miesse u vo dert dr diräkt Bus nach Adelaide miesse nä -.- vou der Shit! U de ischs witer rechtig Otway Cup u ufem wäg hemer no Kangaroo gse, leider ischs scho z’dunku gsi zum füre loufe wöu dert hätme schiins Seelöie gseh aber de simer zum johanna Beach gfahre wome Gratis het chöne Campe. Het dämentsprächend o viu lüt gha, o dr Yannick, Nitai uso. De hemer üses feine Sandwich Znacht gha u paar Bierlil drunke. Dr Ali isch chli e Pussi gsi, het gloub nonie so rechtig campet im läbe u het chli aschess gha! Mer 3 Wiiber heis ömu de luschtig gha. De simer de mou ga „penne“ im Outo, dasch gloub mini schlemmschti Nacht gsi aber ha gloub nachem ganze Reise überau mou pennt^^ Zersch ischs chaut gsi u nächär huere heiss u eifach vou unbequem! Good Night^^

21.3.13: Nacht knapp überstande. Bi gloub us erschts ufgstande u ha de mou gässe, Toast mit Nutella^^ Die andere si de o no met mer cho ässe u dr Ali het im Outo gwartet u isch gäge Schluss de usecho u het nur e Banane gässe. De simer los rechtig 12 Apostle, ohni duschi! Zersch hemer no e Stop gmacht zum tanke u hei no es Kafi trunke u är het den e Pie gässe! Är het s’tanke fasch vergässe, dank dr Julie eigentli heters de realisiert wöu dert hets ned au 50m e Tankstöu gha. De simer endli acho bide 12 Apostle, het cool usgseh u si no abe zumne Loch, sone Bucht, nur d’Celine u ig. Hei gd Glück gha metem Wätter, gd womer zrüg bim Outo si gsi hets afo pesse. U de ischs o scho zrüg rechtig Melbourne ohni Music im Outo da dr Radio ke Netz gha het u är s’Kabu vergässe het füre I-Pod -.- u natürli totenstille wöumer aui o mied si gsi! Um die 1 ume hemer de im Red Rooster öpis gässe u de um die 3 simer acho ar Southern Cross Station. Dert isch o üse Bus gfahre. De hemer nur e duschi gsuecht u hei abgwartet uf d’Julie öbmer i irem Backpacker chönte ga dusche aber hei ned dörfe wäg däm hemer dert am Bahnhof für 5.50Dollar duschet u zwar so rechtig lang! D’Julie isch de o weder zrüg u het e Nachtbus nach Sydney gno schlussändli, de simer is Starbucks, dert hani mis züg chöne uflade u hei o Internet gha. Im Starbucks hemer de no chli gschnurret aui zäme u si glicher Meinig gsi dasmer dr fausch Typ gha hei zum reise aber ganz schlimm ischs ja glich nid gsi. De hemer no öpis Znacht poschtet u de isch ab i Bus am 8ti. Dr Buschauffeur het d’näme verwächslet u het gmeint anderi hei vergässe zahle derbi hätte mer no miesse zahle u het de aui näme gstreche u hei so gratis nach Adelaide chöne :) Guet Nacht zum 2te imne Bus.

22.3.13: Guet acho met chli weni schlaf u de hemer das huere Backpacker gsuecht wo so versteckt isch gsi u de hemer eini ufder strass gfragt wo natürli gd e schwizerin isch gsi^^ De hemers de gfunde u hei fang s’Gepäck chöne abgä u hei no schnäu i d’Chuchi dörfe ga Toast mit Nutella ässe ;) De simer chli dür d’Stadt u de i Botanic Garden u de zum Infocenter wedermou ga frage wasme hie aues cha mache. Cha sogar Gratis Velo miete. De simer i MC, i ha e Cake gässe wöui so luscht ha gha. De isch scho Mittag gsi u si ga itschegge, unde inne isch gd e Bar gsi, si met 2 Schotte u 2 andere Mädels im Zimmer gsi. Am nöchscht morge hemer aber schoweder miesse itschegge damer ned am gliche Tag buechet hei u hei i Rum näbedra miesse! De hemer üs schnäu früsch gmacht u si het e Arzttermin gha u bi für 20Dollar mini Haar ga schnide^^ De hemer üs weder droffe u si chli ga lädele u de mou öpis rächts ga ässe u de simer is Art Museum u hei no e rundi ume Campus dräit. De simer gmüetlech ga poschte, Riis mit Gmües u Fruchtsalat hemer gmacht. De simer zrüg, i bi chli ga penne u d’Celine isch gloub vore am Computer ghange u het met öberem Französisch gredt. De beni mou ga dusche u si de o u de hemer köcherlet u gmüetlech ufder Terasse gässe :) U de simer langsam is Bett, isch schoweder 12i gsi…

23.3.13: Um die 9ni simer de ufgstande wöumer ja ou hei miesse ustschegge u hei zum Glück üsi Rucksäck gd chöne is andere Zimmer due. De hemer e Rundgang dür d’Stadt gmacht, chelene, dr Market wo rächt schön isch gsi u hei üs mou es rechtigs Brot kouft :) Im Chinatown gässe für nur 7Dollar, hetme dr ganz Däuer chöne vöue, mmmh isch huere guet gsi. De simer wedermou mied gsi u si öbe 2h dert blibe hocke u hei weder mou über Manne gredet… u de hemer üs endli mou chöne ufraffe u hei dr Rundgang fasch beändet u si zum Schluss no is South Australien Museum wo’s Tierli, Aborigini Züg u schösch Sache vo Südaustralie haut. Si gd bis am Schluss blibe, am 5i heisi zuedo! De hemer no sones Gratis Velo wöue miete u dr ander Teil vor Route chli mache aber leider hetmes so spot nüm chöne miete. De hemer dr Rundgang beändet u si no ga luege wo dr Bus fahrt für am nöchscht tag wöumer dert zum Ghan (Zug) hei miesse. De simer zrüg ga choche, wäsche u dusche. Am 9ni heimer üs mit dr Ji Hye (Koreanerin vo Byron Bay) u Chika (Tasmania Tour) droffe u si de i Elephant Bar es Bierli ga trinke, isch ächt cool gsi :) Um die 11i simer aui scho mied worde u si de hei gange, hei no packt u um die 12i de ga penne.

Tasmania

13.3.13: De hets gheisse ab nach Tasmania (Hobart) chli kaputt acho aber schösch het aues klappet! De hemer ergend eine gfragt öber üs metnemt u lue do är het üs met i d’Stadt gno, so chame gäut spare ;) De simer is Infocenter wasme dert aues cha mache u isch so chli me het nid viu chöne ga luege, si hei nur es rise Artmuseum wome meter fähre cha häre ga u das hemer de o gmacht :) Zersch hemer dr Backpack ines Backpacker brocht wöumer dänkt hei mer miesse weder zrüg u de het die gschrebe womer couchsurfe dasi üs gd bim Museum cha cho hole u de hemer dr Backpack weder miesse hole, d’Fähri umbueche u de ischs de endli los gange, bi scho nume vo düm tod kaputt gsi u scheiss wätter hemer o no gha, vou chaut gsi ufder fähri. Vordra hemer no imne Park z’Mittag gässe u d’Sache kouft für d’Röschti da mer choche für se ;) De simer ca. 2-3h i däm Museum gsi, isch no rächt gross gsi u nid mou so schlächt. De simer soo mied gsi u hei no chli miesse warte bis si chunt de simer gd chli ipennt dert uf somne Sofa^^ De ischsi üs cho hole, mega lieb gsi u het üs dehei abglade u zeigt womer schlafe, hei es zimmer gha metere matratze am bode, wär gloub schösch eres büro u hei gd chöne dusche u afo Znacht choche u s’Internet hemer o dörfe bruche :) Si isch er zwüschezit ire Ma ga hole u de hemer zöme Znacht gässe, si hei no es Dessert gä u de ab ga dusche u de Tod mied is Bett gheit. Isch es ächt liebs jungs pärli gsi :)

14.3.13: Vo etz a hets gheisse friech ufstoh, die 5tägigi Tasmaniatour het drum agfange :) Si hei üs e Zmorgeshake gmacht u de i d’Stadt füre brocht womer hei miesse warte ufe Tourbus. Si ca. 18 Lütlis gsi u e meega junge Guide, lustige Typ gsi^^ Ou Gruppe isch ächt cool gsi, lütlis chli vo überau. De hemer zersch e chline Lauf zumne Wasserfau gmacht, de simer zumne bekannte See u dert chli gloffe, leider ischs zemli chaut gsi u bewöukt. De hemer bimne chline Örtli Lunch gha. De simer bimne chline Fluss gloffe u de zum Nelson Wasserfau womer o e chline Louf gha hei. Inere chline chline Stadt (Queenstown) hemer z’ässe chöne choufe u hemer g’Stopt bimne See (Queenstown mine, oder so) u de ischs ab is Backpacker YHA simer gsi. De hets es BBQ gä u hei no chli quatscht u de ischs scho ab is Bettli. Immerno mied gsi voder Nacht bevor!

15.3.13: Am 7ni hets Zmorge gä u de ischs ab weder mou zumne chline Wasserfau u de ischs witer zum grösste Wasserfau vo Tasmania. Dert hani gloub scho es Problem met mine Schue gha, ha so böuigi Dosebach Schueu gha wo s’ganze Wasser inecho isch -.- Isch dert o e lengeri wanderig gsi u am Schluss isch e Hängebrüg gsi wome schön ufe Wasserfau het chöne luege :) Womer de dobe acho si hets Lunch gä u de ischs ab ga Sandboarde oder bessergseit Sandschlittle^^ De ischs ab is Backpacker ga dusche u de simer zumne Theaterstück wo ca. 1 ½ Stund gange isch, isch no luschtig gsi nur hani öpe d’höufti nid verstande^^ Aber es hei viu vo üsere Gruppe füre miesse u chli metspele, dasch luschtig gsi^^ Nach däm simer no schnäu e Blick ufne Strand ga wärfe u de ischs ab ga Pasta choche (what else) u de hemer no wäg dr GOR miesse witerluege! U de ab i d’häia.

16.3.13: Soo hüt no ender Zmorge , 6i. Denn ca. 2h Autofahrt zude Cradle Mountain u de hets gheisse ca. 5h wandere. Es wär meega schön gsi u am Afang hets o no schön usgseh aber nächär ischs schrecklich worde bsunders weme o nid mit Rägehose u guete Schue isch usgrüschtet gsi^^ Zum glück hani scho Schue vonere Dütsche chöne uslehne da mini ja scho Tod si gsi! Hei ömu e schöni Ussecht dobe gha aber isch e Horrortrip gsi, eifach Arschchaut u Pflutschnass bis uf d’Unterhose u me isch eifach nur no froh gsi wome dunge isch acho u d’rochni Chleider het chöne alegge :) Mer heis ömu gschafft ned wie die anderi Gruppe, die si öpis ga drinke ebe us wättergründ^^ Isch zwar i däm Momänt nid schön gsi aber im Nachhinein chame säge mir si dobe gsi. Wo de aui heil dunge acho si simer ca. 1h gfahre u hei e Kaffipause imne chline Städtli gmacht wo ou no bekannt isch das a viune Wänd so malereie het, het no cool usgseh aber hami nur gfröit ufne warme Kaffii ;) De ischs nomou 1h gange u de simer im Lannceston Backpacker acho womer zersch mou si ga dusche u üsi nasse chleider ufghänkt hei^^ De isch weder säuber für’s Znacht zueständig gsi, da mer chli spot drann si gsi met dusche uso u eigentli no metere andere abgmacht hätte ischs si haut scho ga poschte de hei d’Celine u e für üs poschtet u o no schnäu es Bierli ghout für üs u de hets wie immer feini Pasta gä u es Bierli derzue u de hemer no d’Celine droffe wo o in Byron Bay i d’schueu isch^^ Aber ha die scho immer ned meega möge, hemer nur schnäu gredt u that’s it. De simer scho so mied gsi dasmer nur no schnäu abgwäsche hei u de scho langsam rechtig Bett gange!

17.3.13: 6.30 hets Zmorge gä u de ischs wedermou zumne Wasserfau, ca. 1-2h gfahre u de simer inere Cheesefactory acho, es het eifach vou usgseh wie ider Schwiz, ungloublech! Sit höt hemer o no paar anderi ir Gruppe gha u paar hei üs o verloh! Si o es paar Schwizer derzue cho^^ Ha erwartet dasme cha luege wieme Chäs macht uso aber me het mou chöne Chäs teste u säubergmachts Glace u das ha ig gmacht, es Glace gno u das ufder Terasse ir Sunne gnosse, ha Chäs e ou ned gärn eso^^ De simer so zumne Hafe gfahre womer Z’Mittag gässe hei u d’Celine u ig hei no chli ufem Tisch pennt^^ u eine het die Scheiss Tube gfieteret u de si logischerwis am Schluss eifach huere viu dert gsi XD De ischs witer zumne Strand wos aues so grossi Stei gha het wo so rötlich si gsi u het über die chöne loufe u eifach s’Meer chli beobachte :) De hemer wedermou eis vo üsne Gspräch über Manne gha u de isch dr Guide no zu üs cho u de hemerne chli über sis läbe gfragt, isch eigentli no cool mou so e Guide si aber de hetme eifach o ke zit me für family u friends da me immer unterwägs isch u gloub das chönti nid aber isch e cooli Typ gsi obwouers bi jeder Frou chli probiert het, hets zumindest ned übertrebe^^ De hemer no e Stop bemne Strand gmacht wos so zwüsche de Stei vou ufegsprützt het u der eint isch äxtra drunger u natürli pflutsch nass gsi nächär^^ De ischs los is Backpacker u de hemer e chline walk zumne Lookout gmacht isch no cool gsi :) De ischs zrüg ga choche, chli fium gluegt, duschet u de scho weder ab is Bettli!

18.3.13: 6i Zmorge, de chli gfahre u de simer zum Mountain Amos cho, ca. 3h gwanderet u zwar hardcore. Aues über so Stei wo rächt gschleferig si gsi aber het cool usgseh u es hetsech ou glohnt, het nämli e meega schöni Usecht gha z’oberst, überne Strand mit vou schönem Wasser. Abecho simer zum Glück de o no heil obwoumer üs zersch verloffe hei das ebe ke typische wäg het gha aber isch no cool gsi u hei ou meega schöns wätter gha :) Si hei o gäng wetzli über mini schue gmacht wöui ou einisch plasticsäck dri agleit ha wöusi no so nass si gsi^^ u da bim Amos si mini Schrott Dosebach schue ächt guet gsi dasi nid so grütscht hei. Aber sobaud Wasser uf dene Stei isch gsi bisch eifach uf d’Frässe gheit wenn ned ufpasst hesch. De simer ca. 1-2h gfahre u hei imne chline Dorf Lunch gha. I hamer e Meetpie kouft wöui gloub nütme derbi gha ha, de beni zu dere Brüg füregloffe wo no schön set si aber s’ganze Dorf isch nid meega speziell gsi^^ Natürli isch das der fausch wäg gsi, de beni desi rechtig u dert isch de dä Beck gsi. Dr Adam (Guide) isch o gd dene gsi, dubuuu ^^ De ischs witer ine Zoo, ire Stund simer de öpe acho, ei Zoo me am Schluss hani Zoo’s nüm chöne gse^^ Bis am 5i simer öbe dert gsi u hei o no Fuetter becho für Kangaroo, isch no luschtig gsi u ha endli e Wombat gse <3 Dasch mis Ziel gsi obwous natürli no cooler gsi wär eine wöud gse u e Tasmania Devil hemer dert o no gse u die Kangaroo si huere ahänglich gsi wägem Fuetter, eis riise Kangaroo isch bim eint vou ufegstande u eis het no es meega chlises Jungs gha u eis es reesigs wo nur s’Bei so usem Bütu gluegt het^^ U die einte hei grad schnäu gföglet^^ De ischs zrüg rechtig Hobart womer ca. am 17.40 si acho u de hets gheisse Absched nä, vo paarne hemer no Facebook ustuschet, paari si no paar Täg länger uf dere Tour gsi u anderi si gloub o fertig gsi wie mer. De simer schnäu ga poschte fürs Znacht u de het üs dr Peter (Couchsurfing) abghout, isch e luschtige Vogu gsi^^ dä het chli es Ghetto ir hütte gha aber isch e meega liebe gsi u het üs ou aues wöue abiete u het sogar äxtra e ufblosbari Matratze gä dasmer ned ufem Sofa hei miesse penne^^ Het sones DJ Phult ir Stube gha u aues so züg u het met riise fröid üs music abglo :) De hemer zäme gässe, Wii u Bierli drunke, es Hostel buechet für in Melbourne, ga düscherle u de ab ga penne.

19.3.13: ca. am 9ni simer de mou ufgstande, gässe, chli ufgruumt, es chärtli füre absched gschrebe u de gange. De hemer probiere Stöpple das ebe scho chli wit entfährnt vom Zentrum isch gsi u es het o ke Bus gha u de hemer miesse über die ganzi schiss Brüg loufe u si fasch gstorbe mit däm Backpack -.- De simer äno noche mou acho u düre Botanic Garte gloffe u hei dert öber gfragt wie lang für is Zentrum u die hei gmeint ca. 40min.! OMG, de simer dert e Typ ga frage öber mitem Outo dert isch u uf guet Glück het dä üs is Zentrum gfahre, isch o e Guide gsi wo sone Chinatour g’führt het^^ Huere Schwein hemer weder mou gha ;) De simer dert so ines Wäschcafé ga wäsche, isch vou cool igrechtet gsi u aues jungi Hipster hei dert gschaffet^^ De hemer öpis gässe dert usse u chli d’Sunne gnosse u de simer is YHA der Backpack ga ines Chäschtli due u de het d’Celine is Spitau miesse (weiss gd nüm genau wiso) u i bi i d’Stadt ga Schue sueche^^ Da i mini Dosebach Schue furtgschosse ha! Si hätti de leider z’lang miesse warte u isch wäg däm o i d’Stadt cho u de hani violetti Vans für 50 Dollar gfunde, so geil ;) De simer dr Backpack hole u de hemer scho ufe Bus rechtig Flughafe miesse, dä han ig zum Glück no vorhär buecht. Ga itschegge u hei de gd is Flugi chöne. Ufem Wäg hani no ar Gabi aglüte da si im Whats app gschrebe het dasi in Melbourne isch aber leider sisi gd scho witergfahre ufder GOR u de hemer gseit mer louge no öbmer üs dert unterwägs einisch chöi dräffe leider hets schlussändli de doch nie klappet! De hemer scho vou Stress gha da mer üs met dr Julie und em Ali verabredet hei, das si die 2 womer GOR zäme mache. De simer gd ga itschegge, dusche u de gd use u hei die droffe. Zersch hemer no miesse öpis z’ässe choufe damer scho lang huere hunger gha hei u de hemer chli besproche wie, was, wenn, wo. Bi fasch verfrohre dusse gäge schluss! De simer weder zrüg is Backpacker u eigentli hemer dr Adrien u paar anderi vo Byron Bay no wöue dräffe aber die heisech de nüme gmäudet genau glich wie dr Jean Paul, dä het aglüte u gseit är mäudetsech de no aber nüt, Manne haut! De simer de mou gli ga penne.