Melbourne

5.3.13: I ha weder mou Glück gha u ha in Melbourne zu dr Rose (die Frou woni im Flugi vo Zürich nach Hong Kong könneglehrt ha) chöne ga penne :) Ha ere de natürli im vorus nomou gschrebe dasi sone verschessni zit achume, am 5.10 beni vor erem Huus gstande, ha es Taxi miesse nä! De hetsimer ufgmacht u churz s’Huus zeigt u de hani chöne ga penne, bis ca. am 11i hani de pennt u de hani dänkt etz muessi mou ufstoh, si het de gseit eri Tochter werdmer chli zeige wies louft u wieni i d’Stadt chume uso! Ha de mou e wösch inedo u de ischsi mou ugstande u hetmer e kafi gä u ischmer nachdäm dasi d’wösch ufghänkt ha würkli cho zeige wieni das mues mache mitem zug, da hetme sone charte miesse löse wome gäut het chöne druflade aber i ha gd sones woche GA gmacht wöumer das günstiger isch cho u de hetsimer no erklährt wo usstige u wele zug zrüg u weles tram! Ha ebe zersch es Tram miesse nä u de e Zug oder i ha o dr ganz Wäg mitem Tram chöne fahre aber aues zäme isch nur bis vorde 12ne ir Nacht gfahre was chli Shit isch gsi! De beni de mou i d’Stadt is Infocenter, das isch meega guet gsi :) Nachdäm hani am Jean Paul gschrebe u hätmi zersch met em wöue dräffe aber de hetmer endli d’Julia (eini vor westcoust Tour) zrüg gschrebe u gseit dasi wür usecho, de simer chli dür d’Stadt gloffe u imne Pub böuig ga Pizza ässe u später, um die 10ni ume, hanimi de no mitem Jean Paul droffe.

6.3.13: Hüt hanimi meter Julia uf die 9ni droffe. D’Julia u i hei de zersch e rundi met däm Gratis Tram dräit. Närne simer die Rundi gloffe zum Fotis mache u de hemer mou Sushi kouft u sis gmietlech imne Park ga ässe. Bi meega froh gsi hani met ere die Täg chöne verbrenge :) De simer no zur Cricket Area wäge Ticket ga frage, leider simer vergäbe gange dame Tickets gd vorem Spiu cha choufe^^ U es isch weder mou huere heiss gsi a däm Tag! De simer no öpis ga ässe, weis gd nüm was u de beni hei ga penne^^ 

7.3.13: De hemer üs weder droffe am morge einisch u si zersch dür so chli Gasse z’mets dür Melbourne, isch meega cool gsi, liebe so chli gässli u het vou cooli Graffiti gha u so chlini härzigi Kaffi :) Hemer natürli zersch gd nöime eis drunke u de ab metem Bus zum Cricketspiu! Um die 11i hets gloub agfange u de seitsi so ar Kasse womer gfragt hei wie lang das gat, ca.6h der chöit aso go u cho wedr weit ^^ Mer natürli schock u hei nächär dänkt wie chame sones Spiu dr ganz Tag luege, isch gloub s’längwiligschte Spiu womer je gse hei wäg däm simer ca. nachere Stund weder gange. De hemer eingentli a Brighton Beach wöue met de bekannte Hüsli aber de simer a fausch Strand gfahre, a St. Kilda Beach^^ Isch es härzigs Dörfli gsi u dert isch dr Lunaparkigang so berühmt, isch sones riise Muu gsi. De hemer üs entschede weder hei ga ga parat mache u am abe nomou use ga… Si het no miesse Kredit ha uf eri Miky Charte u wäg däm hemer no vou i dere hetz miesse ume loufe, chli kak gsi aber schlussändli hemers de endli is Tram zrüg gschafft! De simer ebe hei ga dusche u hei üs de weder droffe für is Casino, natürli nid ga spele sondern eher ine Bar u eifach zum mou gseh wöus schiins chli es muss isch weme Melbourne bsuecht. Isch ou rächt düür gsi u hei üs wäg däm entschede ines Pub ga, si ca. 2h umegloffe u hei kes rächts Pub gfunde, nur eini hät üs mou passt aber die isch scho rächt vou gsi u schlussändli simer de im MC glandet^^ u ha de es Taxi hei gno das scho spot isch gsi u ha 40verdammti Dollar miesse zahle :O schock hani gha! Naja, isch nur für einisch gsi. U de ab is Bett.

8.3.13: De hemer üs wie jede Tag droffe u si de dr Hafe ga aluege, hei üs zersch weder mou verloffe^^ Aber isch o ned so spannend gsi dert! De simer no a Queen Vistoria Market gä ässe u chli düre luege u de ischs endli a rechtig Strand >> Brighton Beach. Dr Strand säuber isch ned würkli schön gsi aber die Hütli hei würkli cool usgseh. De hemer dert chli gschlofe u g’fulänzt, hei üs beidi uf das gfröit. De beni bi ihre im Backpacker ga dusche u hei de zäme kochet da i nid schoweder sone länge wäg hei ha wöue… Üses ässe isch leider nid würkli meega fein gse^^ Besmer üs im lade scho nume hei chöne einige^^ Bi ihrem Backpacker hetme de ganz ufe chöne wo e Terasse zrengsedume isch gsi u hei dert üsi Wii drunke u über Gott und die Welt gschnurret! Si het ja sogar so Religion züg gschdudiert aber si isch etz öberhoupt nid krass druf gsi was Gott ageit aber üses houptsächliche Thema isch e Männer gsi^^ Si isch leider am nächscht Tag am morge friech abgreist u i hami de um die 1pm mitem Jean Paul droffe.

9.3.13: Usgschlafe beni am hütig Tag ar Promenade entlang u i Subway gmietlech ga ässe u de hei gange. De hani no meter Celine telefoniert da si ja gli chunt, wuhuuu u s’tagebuech gschrebe uf Papier wöusmer ufem Natel aues glösche het -.- 

10.3.13: Der hütig Tag beni weder mou ganz elei unterwägs gsi u ha ned so grosi plän gha, so um die 10i beni mou ufgstande, zmörgelet (wie immer toast mit honig^^ ha schliesslich miesse gäut spare :P) u de i d’stadt gange. De hani es Backpacker für d’Celine gsuecht aber leider kes gfunde für die nöchschti Nacht da scho aues vou isch gsi -.- Ha d’Rose de gfragt öbsi bi mir im Bett für 1 Nacht darf übernachte aber sie het de gseit i bi e Usnahm u si wet keni frömde lüt bi sich ha. Hami ou fasch chli gehrt g’füut aber isch natürli o chli scheisse gsi! De hani die schlächti Nachrecht mou a d’Celine witergleitet u de beni i MC gange u ha per zuefau dr Nitai droffe, soo guet dasmer gat um die glichi Zit im gliche MC si gsi^^ De hani s’ässe mitgno u bi dert ber promenade i rase ghockt u ha dert gässe. De beni chli as Free Festival Moomba, isch ächt cool gsi no nur schad dasi elei gsi bi, hetmi de schlussändli agschesse dert no lang elei hange! De beni weder i MC es kafi ga drinke u chli am gratis WiFi ghocket^^ wie gäng im MC ;) De hanimi am spot nomitag mou entschede hei ga u bi zersch no schnäu i coles lindt schoggi für d’Rose aus dank ga choufe, ha vou ned gwüsst was schänke u hami ou gd chli shit g’füut wöui das wägder celine no gfragt ha! Aber mer heis glich no guet gha. Bi ja schliesslich o gäng ufder löitsch gsi^^ u de beni no e USB stick ga hole dasi d’föteli dert o no cha absechere faus z’weni platz het bim witere reise oder faus d’camera plötzlech weder wür abverecke -.- aber isch aues Tip top gange bes am schluss. U de beni mou dehei acho. De hani d’Steph (tochter vor Rose) nomou gfragt für ere Laptop dasi d’Föteli cha ufe Stick lade u de simer nächär no zäme schnäu i MC gfahre u si hetmi iglade u de hemer vorem TV gässe u no chli youtube videos gluegt, isch ächt e coole obe gsi, hami wie dehei g’füut :D ächt e hammer liebi family gsi :) De beni no ga dusche u de ab is bettli!

11.3.13: Um die 10ni hani d’Celine abghout am Bahnhof, si isch chli tod gsi wöusi ide letschte täg o nid viu pennt het… u de simer is x-travel chli ga züg erledige wie couchsurfing uso u de um die 3 ume hetsi zur juliette chöne hei ga dusche u penne, si het zum glück o über d’Nacht dert chöne blibe! Isch e Kollegin wo o in Byron Bay i BBELS isch gange. Ider zwüsche zit beni i Krispi Kream ga e Donut ässe wöu d’Steph gseit het die si vou guet, ha aber zersch no e rechtigi suechi nach däm lade miesse starte^^ wöu är isch nüm dert gsi wo d’steph mer gseit het u de hani dert lüt gfragt u die hemer de chöne säge wos no e andere het u isch würkli vou guet gsi, mmmmh ;) De hani zumne park wöue aber dä isch gschlosse gsi da irgend e verastautig ufbout isch worde de beni haut ine andere u bi dert weder mou chli i rase gläge u music glost u chli tröimt. De hetmer d’Celine endli gschrebe u hei üs de ir Stadt droffe womer meter Juliette u e Kollegin vo ere si ine Bar es anders dürs Bier ga suffe, Celine u e hei üs eis teilt wöus soo dür isch gsi! Vorhär simer no chli dür Melbourne gloffe, d’Juliette isch scho lenger dert gsi aber het fasch nüt vo Melbourne könnt^^ Si hei viu Französich gredt was chli scheisse isch gsi aber isch glich nid schlächt gsi. De hemer aui ufe letscht Tram miesse, hamer vorhär no e Pizza kouft u de ischs is vougstopfte tram gange mit paar bsoffne u auem drum u dra u ha vou schiss gha dasi mini hautestöu verpasse wäg däm beni fasch z’friech usgstege aber schlussändli beni rechtig use u heil dehei acho :) Good Night

12.3.13: So das wär die letschti Nacht gsi bir Rose Family dehei, hami entschede meter Celine ergendwo penne damer friech am Flughafe miesse si u so gd zäme chö ga! Um die 7.30 beni de mou ufgstande u ha aues packt u parat gmacht u de hets gheisse absched nä vor Rose, si het fröid gha u het no es Foti wöue :) Hätti säuber vou vergässe aber häts de bereut weni o kes gha hät u mache schliesslich vo jedem scheiss es foti^^ De hetsimi no zume Bahnhof unterwägs gfahre, ir nöchi wo se schaffet u de hanimi meter Celine am 10ni droffe. De simer zersch mou imne Backpacker ga wäsche u de hemer eini droffe für zäme Great Ocean Road mache aber leider hets schlussändli ned klappet mer ere dasi o no e anderi Gruppe offe gha het! I ha ebe nid elei wöue fahre meteme outo u wäg däm hemer 1-2 lütlis gsuecht! Nächär simer chli umegloffe u de ines Museum u hei dert es Franzosepärli droffe u de heisi natürli weder nur Französisch gredt u das hetmi chli agschesse, d’Celine het die meischte am Afang gäng gd agsproche wo Französisch gredt hei… aber meter zit hetsis de o ufgä^^ De hetsi zersch mit dene wöue d’GOR mache u das hätmer ned so passt aber si hei de scho e Job gha uso u das het d’Celine o dänkt^^ i dere zit hani no metem jean paul telefoniert u für spöter abgmacht! De simer no ar Promenade entlang gloffe u hei de dr jean paul droffe. De simer is Chinatown ga ässe u de üse Backpack im Backpacker ga hole u heine zum jean paul chöne bringe u hei gd no bier kouft u d’Celine het bim jean paul chöne dusche u i has losi wöusmi agschesse het^^ de simer i Park dert bi im er nöchi ga Bierli lähre u schnurre, vordra hemer no e typ droffe für GOR aber dä het nid a däm Datum chöne wo mer hei wöue ga u isch e ou chli komisch überecho^^ Isch e coole abe gsi u hei immer miesse bänkli wächsle wöu so huere wasserspränger überau immerweder agange si^^ u me het vou üsi spur gse wöus überau lähri Bierfläschli gha het… u dert simer bis am morge am 3 blibe u de ufe Bus a Flughafe. U de hemer knapp no 2 Stund chöne am Flughafe penne! U de ischs scho ab nach Tasmania :)