Darwin

2.4.13: Um die 11i ben ig de mou ufgstande u ha met de Österricher afo zmörgele, si ganz liebi gsi ;) Die andere si de o mou uf u zum Schluss natürli d’Celine^^ De hemer chli gschnurret nächär, im Internet gsurfet u üsi Reis no chli witer plant! Um die 3 ume hemers de endli mou usegschafft u hei üs später mitem Luca no droffe da är o nid uf die witeri Tour isch… aber nume churz no, de simer chli umegloffe u füre as Meer, viu zum gseh hets dert ned gä usser ebe dä gross Nationalpark wo Tour witer gange isch aber das isch huere tür gsi… Naja, de hemer scho miesse ga poschte wöu mer hüt Znacht kochet hei u hei üs de vom Luca verabschedet u hei chli Stress gha zum choche! De hemer Röschti met so Streusselchueche u Glace gmacht, isch üs ned schlächt glunge :) Hei ämu aui gässe u hei e gmietliche abe zäme gha. Bi dr ganz Tag zwar scho mega demotiviert gsi u ha eifach uf nüt luscht gha^^ Dasch gloub eine vo mine schlemmschte Täg gsi! Um die 11i/12i ume ischs de is Bett (Sofa) gange. Good night!

3.4.13: Um die 8.30 beni de mou uf ga dusche u zmörgele, d’Celine hets de o mou gschafft u de simer hüt no chli ga Darwin besichtige. Si ines Museum, mitem Bus use gfahre u de bim zrüg ga churz düre Botanic Garden aber dä isch ned würkli schön gsi u hei de gar nüm meh möge mache das huere heiss isch gsi! De simer no schnäu chli dür d’läde. Die gueti Nachrecht vo hüt isch dasmer e dütschi (Jasmin) gfunde hei wo met üs d’Eastcoust z’derab gat metem Auto :) De muesi ned elei fahre. Hüt abe choche d’östericher, pasta mit Sauce. Isch nomou e gmietliche abe gsi aber dasmou chli ender is bett da mer friech hei uf miesse! U vordra hetmer d’Celine d’Haar no gschnette, unde nache e undercut! U de hemer no gluegt wäge Asie womer öberau düre wei! Aber heis de später nomou gänderet!