13.4.13: Hüt am morge simer so um die 8ti ufgstande, ha sit
2 Täg ebe ke Akku meh gha u wäg däm hani nie rächt gwüsst was für Zit as isch u
ha die andere o nid dörfe verlühre^^ De hets weder mou andersch pesst u wäg däm
simer gd mou zersch ines anders Siteströssli wos sones Vordach gha het, dert
hemer de zmörgelet u schnäu fertig agleit u scho chli gruumet! De simer mou
rechtig Stadt dä huere Standort fürs Spaceship ga sueche, unterwägs hemers bire
Tankstöu no usegsugt u putzt u schlussändli nach paar mou kreislifahre hemers
de endli gfunde. De hemers abgä, isch rächt schnäu gange u de het üs e Kollegin
vor Jasmin wo in Brisbane wohnt zur Busstation gfahre, si meega dankbar gsi wöus
weder mou huere pesst het. De hemer üsi Backpack dert imne Chäschtli ihschlosse
u si de no schnäu i d’Stadt, Celine het none Schlafsack wöue u si no schnäu ga
ässe, wrap natürli, dr räscht vom Outo u mer duble hei no ässe im Chiuschrank
vergässe u hei wäg däm no chli miesse choufe -.- u de hemer scho chli Stress
gha zum Bus, bau no verpasst! De ischs ab nach Byron Bay, zu üsem 2te dehei.
Hei üs aber beidi scho nach Thailand gfröit :) De simer acho, hetsech
vou komisch agfüut u de het üs gd es Büsli ghout u zum Backpacker brocht :)
Dert hemer zersch mou duschet u gwäschet u d’Celine isch de zu ihrere Family ga
ässe u het o s’Gepäck no miesse hole. I hami de mou parat gmacht u ha s’Free
WiFi gnützt u d’wösch fertig gmacht. De beni füre gloffe u ha e Pie gässe u bi
eifach dert bir Strass ghocket u ha de lüt zuegluegt, so komischs gfühl gsi
weder dert si wome so viu erläbt het u de beni de weder mou zrüg gwatschlet u
ha uf d’Celine gwartet. Leider si nüm viu Studänte dert gsi womer könnt hei. I
dere Zit beni s’Gepäck ber Bintia (mis aute Sharehouse) ga hole, si het gd vis
a vis vom Backpacker gwohnt, praktisch gsi :) Si het ebe sich ned
gmäudet u wäg däm beni eifach mou ga lüte, isch mit erere Schwöschter dert gsi
u d’Brasilianerin isch de o gd no cho u ha so aune no Tschüss chöne säge! De
hani d’Föteli no ufeglade u de isch d’Celine o scho cho u uf die 10ni hemers de
s’letscht mou is Woodys gschafft ^^ Hei no 2 auti Studänte droffe u schösch viu komischi
Type aber isch glich no cool gsi no einisch dert ga Party mache :)
Um die 3 simer de gange u hei üs im Abrakebabra no e Kebap kouft wie in guten
alten Zeiten. Paula (exstudäntin) het immer no dert gschaffet^^ De simers zur
Schueu ga ässe u de weder mou heigloffe u ga penne.
14.4.13: Um die 10ni hemer de ustschegget u hei üs so lislig
wie möglech usem Zemmer gschleche. De hemer nomou besser packt, hei beidi huere
viu Gepäck gha u de hemer no üse Flug vo Bangkok nach Phuket buechet was huere
lang gange isch wöumer gäng ergendwie Problem gha hei aber zum Schluss hets de
endli klappet u mer hei endli nomou dür Byron chöne watschle. Hei dr Jauma (e
Studänt vo Spanie) no unterwägs droffe aber är isch eifach a üs verbi jogget :(
U stimmt, geschter woni bi ga ässe hani o no 2-3 Exstudänte droffe aber die
hani aui ned so guet kennt! De simer e Burger bim Beloporto (bescht Burger) ga
hole u heis am Strand obe gnosse, het sogar mou d’Sunne gschune :)
Bim zrüg loufe heimer no es Glace gno bi däm fein Glacelade, mmmh super
Abschied gsi <3
De hemers Gepäck gschnappet, mitem Shuttle führe u gwartet bir Busstation. Ha
no aune aglüte mitem Ozie Handy woni ha wöue Tschüss säge. De ischs ab nach Brisbane. Am
Bahnhof in Brisbane hemer d’Sereina no schnäu droffe u hei de dr Zug gno a
Flughafe u hei dert uf Sofas chöne penne u hei no öpis vom Subway gässe! Isch
no rächt chillig gsi für das dasmer am Flughafe hei miesse penne^^
Keine Kommentare:
Kommentar veröffentlichen