WAYOUTBACK Tour

26.3.13: am 6i hets gheisse vore parat stoh bim YHA Hostel, aso friech ufgstande. Hei mou e Frou aus Guide gha, Rohan from England. E Family u 2 öuteri dütschi si o no met üs greist u de viu jüngeri Froue u es Pärli! De simer zersch mou öbe 1 ½ h gfahre u hei bire Tankstöu ghaute wome no het chöne Zmorge nä u isch ou wiene chline Zoo gsi, hei Tier ufgno wo ufder Strass verunglückt si u me het o chöne Kamelrite! Nach churzer Zit ischs de witer rechtig Central vom Red Centre, isch ou nur sone Tankstöu gsi met paar andere Hütli z’rengsedume, ah u so näbebi, d’Michaela wo met üs in Byron Bay ir Schueu isch gsi isch ou met üs ufder Tour gsi :) Vou der Zuefau^^ De ischs zum Flughafe womer no paar anderi abghout hei u de simer rechtig Camp womer Lunch gässe hei, wie gäng natürli Sandwich. U de ischs scho witer rechtig Uluru, zersch simer so ines Museum, isch no guet gmacht gsi u de simer chli ume Uluru wosi no Gschechte über d’Aborigini verzöut het, ou vo Pflanze, Wasserlöcher u Malereie! De simer no dr Sunneuntergang ga luege was meega schön isch gsi aber het ou meeega viu Touriste dert gha, dasch ungloublech gsi u de ischs scho zrüg rechtig Camp. Dert hemer chöne ga dusche u de chli häufe choche oder de abwäsche, es het Pasta met Kangarooghacketem gä u Chnoblibrot derzue, isch ächt guet gsi ;) De ischs ou scho langsam is Bett oder bessergseit i Swag, isch e Art Schlafsack miteme Mätteli denne aber das z’rengsedume isch eher so Blacheartig gsi u ned kuschlig weich aber zum Glück isch gnue warm gsi zum ohni Schlafsack penne! De hemer dert eifach aui am Bode pennt i däm Swag, ha nur Schiss gha wägde Tier aber es hätte nur Ameise chöne cho wäg däm hetme o ke Wasser bisech dörfe ha, wöu das hätse azoge u Dingos (art Hönd) hätte vilich chöne cho aber die chöme eigentli nie. Aso Guet Nacht ^^ u me het ned vergässe dörfe o d’schue ine nä!

27.3.13: Ha zemli guet gschlafe zwüsche dr Celine u dr Michaela ;) Um die 5.30 hets de schoweder gheisse ufstoh... zmörgele u de ischs sones wägli ufe zum dr Sunneufgang ga luege :) Leider ischs chli bewöukt gsi aber het glich vou schön usgseh u mer 3 hei natürli weder über manne gredt vo byron bay ^^ Nächär ischs ab zum kata tjuta, zum ga wandere! Si ca. 2h gmietlich gwanderet u zwüschedüre hetsi immer weder öpis über Pflanze verzöut, het no cool usgseh. Si 36 so rese Steihügle gsi. De simer ca. 1h gfahre u de hets amne Pool Z’mittag gä, Sandwich natürli^^ u wär het wöue, het no schnäu i Pool chöne gumpe aber leider hemer nid so viu zit gha u wäg däm heis die meische losi! De ischs es bitzli witer zunere Tankstöu u dert hei sich aui wienes chlises Chind ufne Glace gfröit :) D’Celine hät am liebschte o sone rechtige Rahmglace gno aber leider cha si ja nid dasi Laktoseintoleranz het! De simer öpe 2h gfahre u aui hei es gmietlichs Nickerli im Bus gmacht u de hemer schnäu WC Pause gha u de isch witer rechtig Fuluru, de hetme so chli chöne amne Sandhang ufeloufe wome e schöne überbleck gha het zum Fuluru, d’Strass wo wit u breit nüt anders z’gseh isch u ufder andere Site hets sones Sauzfäud gloub gha u der Sand isch meega rot gsi. De hetsi no verzöut das dr Fuluru de Aborigini schlächt wätter brengt u si hei dert o ke Wasserstöu, aso ned guet zum läbe dert! De ischs no ca. 2h witer gange u de simer o scho bim Camp acho, dr Tag schoweder verbi… Ah u vorhär hemer no die 2 dütsche usglade u 3 neui si derzue cho^^ Hüt abe hets Riis mit Gmües u Poulet gä im Füür kochet, mmmh isch ds guet gsi u das no gmietlich vorem Lagerfür gniesse u die Nacht hemer sogar Zäut gha u so Fäudbett drenne, isch gd wie Luxus gsi ^^ D’Celine u ig hei üs weder mou chli drückt vom ässe mache ;) Mer si schnäu i Pool gumpet (Si zwar weder mou im nüt ussegseh aber e Pool hets gha^^) obwous rächt chiu isch gsi u si de gd ga dusche u womer zrüg cho si isch gd s’Znacht fertig gsi ;) De simer rächt friech ga penne, het no chli afo rägne u isch rächt chiu gsi aber im zäut in isch tip top gsi, ha super gschlafe :)

28.3.13: Mer hei immer so Stickerstärnli becho wemer öpis guets gmacht hei^^ Am Afang hani no me gmacht ha aber nie eine becho aber Schluss hei aui no eine becho wo no kene gha hei u de hetsi eifach öpis erfunde wiso^^ Anyway, um die 5i hets gheisse, Waky waky, so hetsi üs immer gweckt^^ Hüt hani vou ned ufmöge u de hets no vou pesst dusse, wöui so spot dran gsi bi beni vou die letschti gsi wo no gässe het am Schluss u ha vou miesse stresse, zäut hetme o no miesse useputze aber d’Michaela isch so lieb gsi u het ds gmacht u de ischs zag zag gange u scho simer weder witer mit üsem Büsli! Wöui so gstresst ha hani äuä mini Bürschte dert la legge -.- naja, shit happens, besser Bürschte as öpis anders! Inere haub Stund simer de scho bim Kings Canyon acho womer e ca. 3h Marsch gha hei, si het vou so gseit niemer darf ohni viu Wasser ufe u am Afang sigs Steil… aber derbi ischs e rächt easy wanderig gsi, aso in Tasmanie hemer kresseri Wanderige gha! Zwüschedren hetsi weder Gschechte verzöut u über d’Pflanze gredt! Eine isch wie haschisch gsi für d’Aborigini u ei Pflanze heisi meega langsam testet u zum Schluss hets es chlises Meitschi miesse teste da die sozäge no ke bedütig gha hei bede Aborigini! U dr Kings Canyon het nüt miteme King z’due, dä wone us erschts gse het hetne nach sim Kolleg benennt wo King gheisse het, das sig schiins no hüfig gsi dasme weme öpis entdeckt het nacheme Kolleg oder öber Bekannts benennt het u ned öbe nachem eiget Name. De hets no e Boum gä wosi ghosttree gnennt hei wöuer ganz wiss isch u usde Äscht heisi schüssle gschnetzt. Isch e schöni gmietliche wanderig gsi u het sogar e Eden Garden gä wos es Seeli gha het u dert hemer Pause gha u es Öpfeli becho! U gäge Schluss simer dure gröscht Jungle vom Red Centre, si gd mou paar Böim gsi^^ Miteme riise Hunger simer abe gloffe u si de no ca. 1h gfahre u de hets es BBQ gä, mmmh :) Bi huere müed gsi nachem wandere, äuä wöumer scho so friech uf si… De ischs witer gange u hei e Stop gmacht bire Tankstöu u hamer natürli Schoggi miesse choufe ;) De simer no öpe 2h gfahre zrüg nach Alice Springs womer de paar zäme ines Backpacker cho si (luxus miteme Bad im Zimmer^^) u si het e Tisch reserviert imne Pub womer aui zäme gässe hei :) Mer 3 si zum Glück aui zäme im gliche Zimmer gsi. De hemer e schöni duschi gnosse u de no ga Bier hole u is Woolis u de ischs scho ab is Pub wo die meischte scho dert si gsi ^^ Mer hei e Camelburger probiert, isch no ächt guet gsi, eifach chli droche! Isch es cools Pub gsi, met live Music, chli lut gsi zum rede aber isch guet gsi. De isch no Karaoke gsi u hei no Bier becho. Um die 12i simer de öbe zrüg u hei vorem Hostel no es Bierli drunke, isch sogar rächt chaut gsi. Hei aui gseit es sig so heiss im Outback aber bi üs isch vou nid heiss gsi aber mer si o nid im voue Sommer gange aber has glich no heisser erwartet! De simer mou ga penne.

29.3.13: Hei vou fröid gha dasmer hei chöne uspenne u das hemer o gmacht, bis ca. am 12i^^ De hemer no gwöschet u schnäu paar Sache i Tankstöu ga poschte, gloub ou Schoggieili da ja Oschtere vorder Türe gstande isch. Am Numi simer eifach am Pool ghanget u d’Celine isch vou Happy gsi dasi endlich Bscheid becho het vom ELS Kurs u si het bestande ;) Das heisst sie cha nach London ga Kostumdiseignerin studiere :) Eini het no vou Buff gha mit ihrere Reisepartnerin, hoffe mer wärde das nie ha u chas etz ja säge mer heis nie gha, ab und zue simer vilich mou ned so iverstande gsi aber isch aues guet gloffe ^^ Si haut gueti Buddys gsi. Nachem Gsprächle meter Michaela simer de ebe endli a Pool, d’Celine het gloub no lang miter Estelle telefoniert oder so! Isch zwar no rächt chiu gsi aber glich cool :) De hemer aui e duschi gnosse u de ga Pasta poschte u hei de mite andere kochet, hei no die räschtliche Burger vode Tour becho, mmmh u no es Bierli derzue ;) Um die 10ni simer de scho is Bettli das weder witer isch gange met friech ufstoh.

30.3.13: D’Nacht knapp überstande da eini gschnarchlet het wiene Maschine u einisch si gloubs fasch aui glichzitig wach gsi u heisech gnärvt^^ Z’mörgelet u de gwartet bis de Tourbus cho isch. De ischer endli cho, chli d’spot… Dr erscht Tag hemer ned viu gmacht, am Schluss simer 500km gfahre aso meischtens im Büsli ghanget, einisch hemer no e Stop bimne Telegraph Hütli gmacht, vou im Woop Woop use^^ Het no e cooli Bar gha wo aues beschrebe isch gsi u Note ufghänkt. De simer weder es Stück gfahre zu so Steihügle namens Devil Marbles (Karm Karlu, oder so) u dert hemer öpe 2h zit zum chli uf Entdeckigsreis gha u Föteli mache u d’Sache bechlätere^^ Vorhär hemer weder bi däm schöud gstopt, Tropic of Capricorn, hani ou ar westcoust scho gha, mues mou Google was das genau isch u de ischs rechtig Banka Banka Cattle Station, dert hemer zäutlet. Si ga düscherle u de hets es Stück Fleisch, Stocki u verschidnigi Salät gä :) De het eine (Benjamin) no Gitarre gspöut u gsunge. De ischs weder langsam is Bettli (Swag), zersch hemer vorusse pennt u de hets chli afo rägne u si de unders Dach gange. Aber hei guet gschlafe. Hei sogar chöne usschlafe, bes am 7ni^^

31.3.13: Happy Easter! Oh nei, hei üsi Schoggieili e Tag z’friech gässe^^ Si het üs ufgweckt met Schoggieili :) Zämepackt, zmörgelet u de isch rechtig Caravean Park. Aso bessergseit mer hei nüt gmacht dr ganz Tag! Hei öbe 2 mou gstoppt für Pipi Pause u bi eire Tankstöu hetme chöne Schlange hebe! De hemer bem erscht Flughafe vo Australie ghaute, heisi im 2. Wäutchrieg brucht. Isch nur sone auti hüte dert gstande mit paar Fotis denne. Es paar min. witer gfahre u de simer bi däm bekannte Pub acho womer es BBQ gha hei, mmmh. U de hets huere afo pesse… Denne ir Bar si aues BH’s, Unterhose, t’schäpper u so ghange^^ U d’manne gsäi dert äuä säute Froue, die Pfiffe gd noche, me seit o, dert chaschder äuä di Maa ga hole^^ De ischs ebe scho rechtig Caravean Park, mer si vou im Büsli blibe hange wöumer ned hei möge ufstoh, dert isch aues in Pink gsi, so a la Pink Panther! De hetme mit somne aute zügli wone aute Päpu gfahre isch düre dschungu aber isch ned würkli spannend gsi u e chline Zoo hets o no gha aber d’Celine u ig hei langsam gnue gha vo dene huere Zoo’s, hei de no e Krokodilfüetterig gse. U de hets o scho Znacht gä, Pasta mit Chickencarbonara, mmmh isch ds guet gsi :) U de simer no is Pub dert go hange u hei no es Babykangaroo dörfe hebe u füettere u e chline Schlange hebe. Dä Typ isch komisch gsi, dä isch äuä fasch Dauerbesoffen aber är hetsech ämu vou härzig ums Babykangaroo kümmeret ^^ De simer no ga dusche u de ischs o scho is Bett, die andere hei am Bode ofere Matte pennt u i im Bett^^ aber ha nid so guet pennt da Türe ir Nacht eifach uf isch wöus so gstürmt het, de hanise metem Bikini abunde^^ 

1.4.13 : Um die 5i hets de gheisse ufstoh. Packe, zmörgele u de ischs weder ab uf d’Strass. Hei immer noni genau gwösst öb d’Strass frei isch, leider ischsi de gsperrt gsi u hei leider ned zu däm Thermal Pool u Nationalpark chöne ga :( Hetmi scho gd chli agschesse hami no rächt gfröit uf das. De hets haut gheisse diräkt nach Darwin… Nach paar Stund hemer mou in Katharine ghaute zum ga poschte im Woolis^^ De ischs wiiter u de hemer miesse haute wöu s’Wasser vou öber d’Strass isch, ds isch gd mou s’Highlight gsi vom Tag^^ U de simer scho gli in Darwin acho, u de hets gheisse üse neu Couchsurfer sueche, zum Glück ischs nid witewäg gsi u für am abe hemer üs weder aui zum Znacht imne Pub droffe :) Aso dr Couchsurfer het e guete Idruck gmacht, si 2 Type gsi u 2 Französinne u es Östericher Pärli hei dert o no Couchsurfing gmacht^^ Aso voui Stube gsi^^ Mer hätte scho dert chöne Znacht ässe aber mer hei no e abe met de andere wöue verbrenge u hei wäg däm leider abgseit! De hemer chli metem gredet wasi chli komisch gfunde ha, wöu wenn eg mou öpis gfragt ha heter eifach nur d’Celine agluegt u gar nie zu mer gredt wäg däm hanis de mou ufgä! Aber schösch sisi scho lieb gsi u isch guet gsi… De simer ga dusche u de is Pub met aune andere ga ässe zum Absched weder mou^^ 15 dollar für 2 Pizzas u gratis Bier :) Isch cool gsi u e live Band het no gspöut! Isch ämu luschtig gsi^^ De si nur no dr Luca, Benj, Celine, ig u sone komische gsi! Met dr zit hetsmi mou afo längwile u de simer mou gange. De hemer üs inegschleche da die andere scho pennt hei u si de ga penne!