Welcome Thailand

15.4.13: Der bescht isch gsi, d’Celine het me gweckt u hei fasch dr Zug verpasst wöumer no am fausch Flughafe si gsi. Hei dänkt mer miesse a International wöumer nach Bangkok flüge aber hei ja no e Stop in Sydney gha u wäg däm hemer doch a Domestic miesse! Vou stress gha u hei miesse 60$ für üses Gepäck zahle wöumer z’viu gha hei! U bi ergendwie no vou im Töifschlaf gsi, huere lang^^ Heis de ämu no is Flugi gschafft u de schnäu umgstige in Sydney u de ischs scho ab nach Bangkok, das heisst 9h flüge! Hei üs beidi gfröit aber si o trurig gsi! Strange feelings! So mues etz chli abecho, chönt gloub gd afo hühle, psyichischs durenang wöumer äuä Australie verlöh u äuä o schösch aues chli! Hami o weder gnärvt wäg dene 1000.- woni ha miesse zahle füre Flug umbueche, ischmer gd i Sinn cho wöumer im Flugi hocke, hoffe dasis zrüg bechume aber cha etz säge ha gd aglüte woni dehei gsi bi u si hei do d’Schuld gä ar Fluggsöuschaft, si chö das immer umbueche obwou ig die 2mou secher gfragt ha öbs würkli nid gat heisi gseit i müess das dert umbueche wöu sis für me buecht hei (aso ber Pro Linguis). Aso heisi eifach nüt gmacht u hei gseit si chö das o nid ändere, chönt höchschtens e Klagebrief a d’Fluggsöuschaft schecke aber die gäbe da e nüt! Ha wäg däm o no nüt witers gscheckt aber mues ar ProLinguis e no e Brief schicke wöu si hei o eim e Job uf sicher versproche hei u ds isch ned wohr u i bi nid die einzige wo das het miesse feststöue! D’Simona (ou e Studäntin vo Byron) het ene scho e ganz geile Brief gschrebe, mues das de o no mache! Anyway, etz beni da gd vo mire Reis abcho u schösch isch ja aues Tip top gsi ;) Ah in Sydney hemer huere miesse stresse aber mer hei gar nid schnöuer chöne u de heisi üs sogar usgrieft, hahaha^^ d’Celine het scho Panik gha u e has weder mou meega chillig gno^^ Naja, nach 3-4 Fiume simer de endli glandet in Bangkok, i dubu ha dä Fium gluegt wosi zeige vom Zunami in Thailand! U ha fasch miesse chotze u die hemer soo leid da, so krass gsi! De hemer dert gd es Taxi gno zu däm Hotel wo üs eini empfohle het, leider hetsi ned diräkt chöne anefahre da gd no s’Wasserfescht gsi isch aber hei zum Glück nur öbe 200m miesse loufe met üsem scheiss Gepäck aber si scho zemli nass dert acho^^ Aber isch ja e heiss gsi! U zum Glück het üs die Taxi Frou Plastiksäck gä fürs Natel uso. Zum Glück hets no freii Zimmer gha u hei pro Person öpe 6Stutz für ei Nacht miesse zahle, sooo geil, nüt im verglich zu Australie :) De hemer zersch mou öpis wöue ga ässe u de chli as Wasserfescht aber da mer ned hei gwüsst wo, simer nächär vou im Züg inne gsi u si natürli schlussändli Pflutschnass gsi, würkli aues nass u wissi Farb überau so heisi eim s’neue Jahr agwünscht^^ Meischtens heisis eim vou is Gsecht gstreche u de hets ame so Partywäge gha wo Musik gloffe isch, aso vou geil gsi aber eigentli hemer endli mou wöue ässe aber hei dr wäg nüm zrüg gfunde aso simer schlussändli tuusig mou im Kreis gloffe u stunde am Wasserfescht gsi^^ Meter zit hemer de eifach nüm möge u hei nöime mou Nudle kouft aber ha immer no hunger gha. U s’Fescht isch de langsam z’änd gange u hei de Schlussändli, dank Höuf vomne ander Hotel, s’Hotel gfunde ^^ Isch ämu cool gsi dasmers no hei dörfe erläbe wöu das Fescht gat paar Täg u ds isch gd dr letscht gsi :) Hei gloub no es Bierli drunke imne Restaurant ir nöchi vom Hotel u si de eifach nur no ga dusche u penne, ha innert 2min. pennt.

16.4.13: Ha da leider scho lang nüm gschrebe u mami nüm genau erinnere aber gloub mer si chli spöter ufgstande u hei üs gd vor üsem Hotel mou e Früeligsroue gschnappet u heisi de zersch mou gässe. De hemer es Tuk tuk (chlises Taxi wo offe isch) gno zum MBK (riise Shoppingcenter) u hei dert chli g’shoppet u si schösch no chli umegwatschlet. Hei gloub no öpis gässe dobe ir Foodhaue u hei es glichligs T-Shirt kouft^^ De simer langsam weder mou gange u hei es Tuk tuk gno rechtig e Tämpu aber leider isch scho chli spot gsi u hei nüm ine chöne u isch gloub ou nid dr rechtig gsi^^ De simer weder zrüg zum Hotel u gloub de beni so müed gsi dasi mou e rundi pennt ha u ha fasch nüm uf möge ga ässe^^ De simer gd bi üsem Hotel er nöchi ufder Strass ga ässe! Die hei dert vou guet kochet u isch de üses Stammrestaurant gsi vo Bangkok^^ De simer gloub gd ab is Bettli wöumer gäng no müed si gsi, isch ja schliesslich o no Zitverstöuig gsi!

17.4.13: Um die 9ni ischs de scho witer gange, taxi ab a Flughafe u de loos nach Phuket. Für dä Flug hemer öbe nur 40Stutz zaut, krass! Am Flughafe hemer de no zmörgelet u um die 11i ischs de scho los :) Womer de acho si hemer es Busticket glöst nach Phuket Town wöumer ned a vou Touristeort hei wöue aber schlussändlich, nachere Stund warte, hemer de s’Ticket gwächslet nach Potang Beach. Ebe dä huere Touristeort.. De hemer zersch mou öpis gässe oder bessesrgseit ig u de hemer es günstigs Hotel gsuecht aber das isch no schwerig gsi! De het üs sone Franzos agsproche u het de lenger meter Celine uf Französisch gredt u gseit dass hie schwerig isch öpis günstigs finde! De hemer das Hotel gno wo är schaffet u hei gloub für ei Nacht 700 zaut dasch zwar umgrächnet immer noni würkli viu aber für Thailand ischs scho betzeli dürer gsi! Naja hemer das de ömu mou gno u isch natürli gd wie Luxus für üs xi ^^ De hemer mou duschet wöu es isch andersch heiss gsi u de simer gloub eifach mou chli umegloffe u de a Strand es Bierli ga nä u vorhär hemer  no gässe! Am Strand isch gd no sones Döfffescht gsi u hei no sone Show gha. U de simer o scho langsam go penne.

18.4.13: De hemer gloub mou chli usgschlafe, hei schliesslich o mou schön agnähmi Temperatur gha da mer mou e Klimaalag gha hei^^ De simer für rächt lang es gönstigers Hotel ga sueche u si fasch vereckt vor Hetz… Schlussändli hemer eis für 500 gfunde aber si de glich no 1 Nacht me im andere blibe das nid sone riise Unterschied isch gsi... Am Numi semer de chli a Strand wo nid würkli schön isch gsi u meter Zit o huere heiss u de simer weder zrüg is Hotel u bim Märet simer o no chli düre, hamer no Hose kouft. Wägere Tour zude Insle Phi phi u ergend e anderi hemer no gfragt chli wie dür ds wär u schlussändli hemer dert bi üs bim Hostel buecht u zwar gd a eim Tag am morge uf d’Fähri nach Koh phi phi, dert ga schnorchle u de am abe diräkt nach Krabi! De hemer eifach nur fang d’Fähri miesse bueche u die Frou het schösch no meega viu met üs gschnurret^^ De simer gmietlich ga düscherle u de Znacht ga ässe u de ischs o schoweder ab is Bett da mer ja friech hei uf miesse!

19.4.13: Ah ha no so öpis wechtigs vergässe^^ Geschter hani mis Inplantat no usegrupft aber es isch scho zemli dusse gsi u de ischs besser gsi dasis usegno ha schösch häti ume öberau aghänkt! Anyway, um die 7.20 simer gd bim Hotel abghout worde u zur Fähri brocht worde. De hemer gd uf d’Fähri chöne aber hei no öbe e haub Stund miesse warte bes si endli los si aber es het Gratis Brötli u Getränk gä :) De hemers chli chillet ufem Dach obe. Um die 10ni simer de mou acho u hei fürnes Bötli oder e Tour gsuecht. Die günstige Tour isch leider scho los gange u hätemer ersch am nächscht Tag chöne ga de hemer üs haut für sones einzu Bötli entschede (sones typischs Houzbötli) womer 3h hei chöne druffe si u är het üs öbe a 3verschidnige Plätz brocht womer hei chöne ga Schnorchle u sone chline Strand ga. Är het üs de z’friech zrüg brocht u het gseit mer hei ja ned dert ane wöue aber mer hei nume ned a dä Monkeybeach wöue ga u är het de das so verstande dasmer zrüg wöi, obwou mer eifach ane verlassnige Strand oder so hei wöue! De hemer glich nomou ufs Boot dörfe u isch haut nomou usegfahre u si de haut glich a dä Monkeybeach womer zwar kei Affe gse hei derfür Abfall, meega schad das si das ned chli ruume… s’schnorchle isch schösch no schön gsi, meega schöns Wasser (fasch so schön wie ar Westcoust in Australie) u het viu Fischli gha, aso merheitlich die gliche aber dr Bode het ned so schön usgseh. De simer mou usem Boot u hei de no öpis gässe u de ischs scho weder ab uf d’Fähri rechtig Krabi. Hei üs so entschede wöu Phi phi o huere Touristisch isch, womer acho si, si aui so emne Reieli hinderenang gstande u hei eim es Hotel wöue adräie, crazy! Ufder Fähre hemer bim Gepäck pennt wöus dert chli Chiu isch gsi! Womer acho si hemer es Gratis Shuttle i d’Stadt gha u hei de o gd es biuigs Hotel, für 200B. pro Nacht gfunde u hei de gd 2 Nächt buechet, Smile hets gheisse. Si meega liebi Lüt dert gsi u me hetsech wou gfühlt :) Dert hemer es Zimmer nur mit Van gha aber es isch no gange wäg dr Hitz. U es het e meega schöni Terasse ufem Dach obe gha met schöner Ussicht. De hemer mou e Duschi gnosse u si de a Märet ga ässe, si gd am Weekend dert acho u die hei denn gäng e Weekend Märet u e Nightmarket. De simer chli düre Weekendmäret wo nid so gross isch gsi u hei dert öpis gässe u de ischs scho ab is Bettli.

20.4.13:  Womer am Morge gd ufgstande si isch gd e Parade düre, het o so wie Guggemusic gha u si teilwis vou luschtig verchleidet gsi^^ Hüt hemer üs entschede nach Railay ga u si de a Hafe füre u hei no chli miesse warte mit andere. Am Schluss simer weder imne sone Bötli ghocket metere Engländerin u si so nach Railay. Zersch simer met dere Engländerin mou a Strand gange u ig ha natürli wedermou ned chöne ruhig hocke u bi chli ga bade wöus weder mou huere heiss isch gsi u de hani Happy Birthday i Sand gschrebe für 2 gueti Fründe wo gd nachenand Geburi hei. Nach öpe eire Stund simer de mou witer, uf dere Insle hets ufemne Hügu e Lagune gä u si de dert ufe klätteret u zwar würkli! Barfuess wöumer so bessere Haut gha hei u me het so Seili gha teilwis wome wörkli rechtig het miesse chlätere u obe hets de eifach sone Lagune gha wome leider nid het chöne bade wöu das Wasser scho huere lang dert gstande isch. De simer haut weder langsam zrüg, wuhuuu gschafft u das bire huere hitz, gschwetzt wie ein Schwein! De hemer nur so s’Wasser gsuecht u si mou dr ander Wäg gange u si bimne Strand usecho wos huere viu Lüt gha het u so Felsechammere wos e Tämpu din het u zrengsedume so Penis us Houz^^ ke Plan wiso. U dert hetme o d’Wänd chöne ufechlättere natürli gsicheret! Dert simer de nur schnäu ga bade (der Schlamm abwäsche vom Chlättere) u de simer i d’Walkingstrass ga Chickennoodlesoup ässe. Dert hemer no chli umegfuulet ufem Stueu, bi TOD müed gsi. De simer nomou rechtig Strand füre u hamer no sone Art Nutellacrepes kouft u witer fore, ebe gd am Strand, imne Kafi es rechtigs Kafi gnosse :) De hemer weder füre zude Boot miesse womer de weder zrüg nach Krabi si u hei d’Engländerin weder droffe u eigentli hemer ebe e Zit abgmacht mit üsem andere Bootchauffeur aber dä isch nüm cho u hei de o nomou miesse zahle, naja haub so schlemm wenigstens mer si weder zrüg cho! Eigentli hemer no ane andere Strand wöue vo Railay us aber mer hei ke Zit me gha u me hät weder es Boot miesse nä. Het üs ebe eini Empfohle vom Hotel, die het o lang meter Celine gredt (französisch) aber wo ig de o derzue cho bi hetsi würkli nur Englsh gredt, Wunder, dasch gloub die erschti gsi wo ned weder zu französisch gwächslet het! Zrüg Back home simer de zersch mou ga dusche. De simer weder a märet ga ässe u hei weder die feine Frücht kouft :) Es Bierli no gnosse u d’Celine het no so e Süssigkeitspezialität probiert, isch no guet gsi. U de simer gd no dr Bus u Fähri ga bueche für Koh Phangan. Heis zum Glück gd bi üsem Hostel, aso vis a vis, chöne bueche. Dä het sogar dütsch chöne^^ Nach Kosamui hemer gar nid wöue wöus e viu Touriste het u Koh Tao sig schiins nid soo schön u dür! U Kohphangan hemer e wöue ga wägder Fuulmoonparty aber ou dert wirds viu Touriste ha! ÜBERAU! Hei ou mou einisch nid gd weder zum nöchscht Ort wöue stresse! De isch weder mou ab is Bettli. 

21.4.13: Um die 5.20 simer ufgstande wöumer hei wöue dr Sunneufgang luege aber leider hetme ned würkli viu gse :( De simer nomou ga penne. Um die 10ni beni de mou uf u bimer öpis i 7Eleven ga poschte, wie meischtens, ha aber unterwägs no e Beck gse u hamer dert 2 Gipfeli kouft aber si natürli niemous so guet gsi wie ir Schwiz ;) D’Celine isch sit ca. 2 Täg am chränkele, hoffe es besseret gli. De hemer packt u de ischs scho ab i Bus rechtig Fähri. De ischs ab uf d’Fähri u womer de gäge abe acho si hemer ned gwüsst wo genau u hei de schlussändli eifach es taxi gno wo no easy lüt dinn ghocket gsi u gseit das isch e guete ort wo si ane gö! Eigentli hemer ja im norde vor insle ines bungalow wöue wöu das üs eini grote het aber hei de miesse entscheide u si haut mit dene met! Aber isch schlussändli guet gsi :) isch o nid so wit zur fuulmoonparty de gsi! De simer bi paarne ga frage u hei üsi backpacks zum Glück imne Backpacker chöne lasi u schlussändli hemer üs für das entschede wo paar anderi vom Taxi o si gsi. Baantai Backpacker, isch gloub sogar o uszeichnet gsi u isch vomne junge ami gführt worde u e thai isch sini agstöuti für wäsche, choche, putze uso gsi. E meega liebi :) De hemer sogar no Glück gha u hei e ruum für üs elei becho zwar o nur mit van u ohni Fänschter aber ha meega guet pennt dert ^^ U um d’Fuulmoon zit ischs e gäng dürer! Heis de andere o ned dörfe säge wöu dä rum gloub eigentli gar nid gross vermietet wird^^ De simer witer vore ines chlises Restaurant ga ässe u hei dert gd no 3 anderi droffe vom Backpacker u hei gd met dene zäme gässe :) Dr eint het hure viu glaberet u isch eim fasch uf d’närve gange u die andere 2 si gd s’gägeteil gsi, vou ruig aber die heisech gloub o langsam ab desem gnärvt, hetsmi diecht! De simer de o mou gange u är isch gd met üs cho, de simer no i 7eleven ga alkohol choufe u de zrüg is BP! Hei üses singha de im Zimmer gnosse u um die 12i simer de mite andere vom Hostel ab a Jungle Party, klein aber fein ischsi gsi! Aber het ächt cool usgseh, aues so met Neon liecht u so chli GOA mässig! D’schissinge hesch so metem chöbeli wasser miesse spüele, isch würkli so chli im Waud gsi! Me het zwar miesse Itrett zahle aber het de o 2Gratis Drinks gha u weme die Tickets zämegleit het hemer sone chöbu meteme Mix becho, si ämu de vou bsoffe gsi u wöu mer e scho so müed si gsi hets nome igschlage! Am liebschte wäremer zersch dehei blibe u eifach ga penne^^  Aber heis no cool gha u si de met 2 anderne zäme zrüg :)

22.4.13: Dä Tag isch is Wasser gheit^^ Da mer ersch am morge um die 7ni oder so fang si ga penne hemer natürli mou bis am Mittag pennt u de simer beidi mou verwachet u hei schnäu chli gschnurret u si de beidi nomou i pennt bis öbe am 5i u de hemer de würkli mou uf miesse! Hei beidi e verdammte Hangover gha u hei no überleit öb die üs öpis is Getränk gmixt hei aber äuä scho nid, isch eifach aues äuä chli z’viu gsi! Mer ischs ergendwie no gäng schlächt gsi u jede wank isch müehsam gsi…De heimer mou duschet u si de i üses Restaurant füre öpis ga ässe, ha nur e Suppe gno u das isch mini rettig gsi! De ischmers scho viu besser gange u hei dert de no chli umegfuulet u gschnorret. De ischs langsam weder zrug u um die haubi 11i beni de scho langsam weder ga penne u bi sogar o schoweder müed gsi^^

23.4.13: Eigentli hemer so um die 7.30 wöue ufstoh, schlussändli ischs de öbe 8.10 worde wo ig fang mou ufgstande bi u mou d’wösch gä ha zum wäsche u de mou füre bi. Ha d’Celine ned wöue wecke u de si dert so 2 Kanadier ghockt u hei gfragt öbi Zmorge weig^^ Ha gar nid gwüsst asme im Hostel säuber cha Zmorge ässe, de hani mou met dene gässe u de isch d’Celine ou mou no vou verpennt füre cho u het öpis chlises gässe! Hei höt no ke Plän gha u Kanadier hei es Scooter (150B. pro Tag) gmietet u de het gd no d’Martina itschegget u isch met üs de o no metcho. De heimer aui eis gmietet, aso d’Celine isch ber Martina hingedruf da ig s’erschte mou so rechtig es Scooter fahre ;) De simer ganz i Norde ufe gfahre u hei dert de zersch mou Zmittag gässe wöumer dänkt hei zu däm Strand womer gö chame nüt ässe, het üs o so eine gseit! U de hemer e wanderig (ca. 1h 15min.) düre Waud düre gha u dr Wäg isch mit Fläschene gwese worde wöu dr Strand Bottlebeach heisst^^ vou cool u isch huere heiss gsi, am Schluss hetme nur no is Wasser wöue u isch e huere schöne Strand gsi :) De simer dert mou chli umegläge, bädelet obwou dert s’Wasser eim weder so komisch gstöpft het wie in Byron Bay o scho mou ^^ u hei no Frücht gmampfet :) Aso ig, die andere hei sone Mix drink gno. De beni meter Martina mou no am Strand entlang gloffe u hei no Föteli uf somne riise Ritiseili gmacht :) Um die 6i ume ischs de metem Bötli zrüg zum ander Strand u zum Glück hemer dert nur schnäu miesse ufeloufe u de simer scho bi üsne Scooter gsi :) De ischs zrüg zum BP. De hemer e duschi gnosse u de ischs miter Martina u 2 andere (Mark u Coleen) zu üsem Restaurant ga ässe, die 2 hei ned chöne ufhöre rede, ungloublich^^ De simer no schnäu i 7eleven es Bierli ga poschte u de zrüg u si dert no aui chli zämeghöcklet im BP. Die meischte si de witers i Usgang aber i ha vou ke luscht gha u de simer so um die 00.30 is Bettli gange.

24.4.13: Am 10ni heimer abgmacht aber si chli spöter dranne gsi damer no ufs Zmorge hei miesse warte. De hemer met de andere 4 Type vom Hotel abgmacht u hei dene de gseit die söue fang go! Aber die sie de gäng no dert gsi da dr eint gd vorem BP uf d’frässe gfloge isch u de i Spitau het miesse ga verbende. Het gloub beidi Füess vou offe gha! Weiss o nid wie dä das gmacht het… De simer de glich gd glichzitig abgfahre u hei de gd bi däm Strössli wos zum Wasserfau wär 2 Wiiber droffe wos ou umglitzt het aber es ischne no rächt guet gange, de het dr eint Kanadier se chli verbunde uso u si heise de hindedruf gno u zur terrte Strass füre gfahre u mer hei üs de entschede o umchere wöus würkli rächt rütschig isch gsi uf däm Cheswäg! De hemer üs vo ene verabschedet u si mou dert abe gfahre wo d’fullmoonparty stattfindet, ou dä wäg isch huere ufe u abe^^ Dert hemer de no es Neonshirt gsuecht für Party wöu dert schiins aui so Neon mässig agleit si. De simer mou öpis ga ässe ines Restaurant dert, huere schlächti Bedienig gsi u s’ässe isch o scho besser gsi aber heis überläbt u si dert sone Babyaff igsperrt gha :( De simer mou rechtig BP zrüg wöu d’Martina no Gäut brucht het fürs Thaiboxe u ig ha de no chli zuegluegt u d’Celine het im Rase näbedra pennt. De simer schnäu füre gloffe u ha es Glace u schoggi gfrässe u de simer langsam weder zrüg. D’Celine isch vou demotiviert hindedri gwatschlet. Es het sogar no e andere Schwizer dert gha. De simer zrüg ga dusche u hei üs de weder droffe für a Märet ga ässe. Isch es Troumland gsi: Frühligsroue, Mango mit Sticki rice, Fruitshakes, Art Crepes, Nudle, geil marinierts Fleisch… De hemer s’ässe gnosse, zum 7eleven weder es Bier ga choufe u dert isch immerno dä Penner vordra gläge u si scho paar lüt zrengsedum gstande. Warschinli ischer Tod gsi :( De simer zrüg u hei mit de andere vom BP s’Bierli gnosse u si de weder aui zäme a Jungle Party gange, mer fang mitem 2te Taxi da d’Celine ned parat isch gsi. De hemer ab und zue paar weder droffe u de no e dütschi Kolleginn vor Martina u de simer chli met ere zäme gsi u si isch de chli d’lüt met üs cho sueche. De hemer dr Wayne droffe wo vou uf Pöuzli isch gsi u immer weder gseit het Kanadier si immer Happy^^ De hemer dr Mark droffe u hei entschede hei ga.

25.4.13: Soo dr Fullmoonday isch hie :) Um die 11.30 simer de mou uf u woni gd under dr Duschi gstande bi hets vou klöpft. Het äuä d’Secherig usebutzt wöu es het es chlises Füürli gä dusse bim Baukon oder so aber isch zum Glück nüt kaputt gange nur dr Strom isch usegheit aber si heis de am gliche Tag no chöne flicke. De hätti o no wöue dert Zmorge ässe aber si het ja nüm chöne choche, de simer ir nöchi fürnes T-Shirt ga luege damer geschter kes passends gfunde hei u i ha i üsem Restaurant no Zmorge gässe :) u ha de o no es Shirt gfunde. De simer i Norde ufe ane Strand gfahre u hei dert dr ganz Tag relaxt, chli bädelet u d’Martina u ig si no einisch uf die fasch Insle näbedra gloffe u chli Föteli gmacht :) De hemer dr Sunneuntergang no gluegt u de simer gd diräkt a Märet ga ässe u de zrüg ga dusche u amole met Neonfarbe für a d’Fullmoonparty :) I ha d’Martina afo amole u sone andere Typ isch no bi üs gsi. De hets gheisse ga, d'Celine isch de met andere gange u i bi miter Marina u andere gsi :) Im Taxi ischs meega luschtig gsi, si hei so speli gmache u si huere lut xi^^ Zersch simer de no z’6te gsi u de nur no z’3te wöu mer hei aues chli wöue ga abtschegge u die andere si gd scho nöime druf ga tanze! De isch dr Michel oder so no met üs gsi zersch aber dä isch plötzlich de o mou abghoue, isch e chli e komische Vogu gsi, naja! De simer am ganz Strand entlang und ah me het glich miesse Itrett zahle. De hets öberau chli verschidnigi Music gha, GOA het geil usgseh, sone rese lüchtende Piuz u schösch hets so Erhöchige gha wome druf het chöne ga tanze u viu si natürli uf Droge gsi, ds isch o dr Grund as viu dert ane gö. Ässensständ hets o überau im Hintergrund gha u ganz am Schluss hetme bire Bar ufe chöne wome Überbleck übere ganz Strand gha het! U nöime heisi so mit Füür züg gmacht u dert simer de mou ane ghockt um die 4i u hei gseit wemer nächär ned nomou uf möge gömer langsam mou zrüg. De simer nomou zu dere Bar u ar Marina het dert d’Music so gfaue, mer ned unbedingt aber mer hei no 2 Type droffe :) De han ig de mou abe wöue u hei de no zäme dr Sunneufgang gluegt u wie aui Alkliche pennet hei u so chlini Chend hei dert miesse Plasikchübu zämeläse oder züg verchoufe! So chrank! De hani mou zrüg wöue dasi wenigstens no 3h oder so cha penne. Im Taxi inne si 2 vou uf Droge gsi u hei ned mou me rächt tschegget wo ane dassi miesse u Zwilling hets o no denne gha^^ Um die 8ti ume simer de mou zrüg gsi u si no paar dusse gstande u hei gäng no gsoffe, mer si gar nie bsoffe gsi u hei ou nur Bier drunke! De het d’Martina no d’Föteli vor Kamera wöue wöui dr ganz abe Föteli gmacht ha u i dere Zit beni schnäu ga dusche, ha die huere Farb fasch nid abbrocht^^ Im grosse u ganze isch Party aber guet gsi aber has chli geiler erwartet aber isch ja o nid Hauptsaison gsi! D’Manne si haut uf Suechi nach Froue gsi u ebe viu Droge züg aber has schlimmer erwartet u ha dänkt me cha fasch nüm dür d’Mängi loufe aber das hetme dr ganz abe vou easy chöne :) 

26.4.13: Ufstohh am 11i, has gar nid tschegget^^ Am 12i ischs de o scho los nach BKK! Ab is Taxi, de öpe 2 ½ h ufder Fähri ghocket womer mehrheitlich probiert hei penne. De hemer miesse umstige ine Bus wo üs zur Trainstation brocht het, ca. 2h imne Bus ohni Fänschter u Klimaalag, knapp überläbt! Dert hemer amne mini Märet no öpis gässe u si de mou a Bahnhof ga warte ufe Nachtzug! De ischs ab i Zug u zersch chli gschockt gsi wie ds usgseht. Aber isch eigentli vou d’chillig gsi, zersch sis so 2 Sitze vis a vis gsi wome de obe het chöne es Bett abeklappe u unde eis drus mache. Mer hei ja de obe pennt u ha nur chli schiss gha dasme abeflügt wöu d’Matte isch ned würkli breit gsi. De hemer no chli züg für sech gmacht u si de o gli ga penne oder probiere^^

27.4.13: Zugfahrt überläbt, ha chöne penne aber gäng chli verwachet. Womer de acho si hemer metem Engländer (dä hemer am Märet bir Trainstation könneglehrt) es Taxi gno u gd womer i d’Bahnhofhaue gloffe si heisi eres Gebätt gha, de muesch eifach ar Stöu blibe stoh^^ De simer weder zu üsem Hostel gange, itschegget, d’Celine het no wösch ufgä, düscherlet u de um die 10ni hemers de mou gschafft ga zmörgele. De hemer es Tuk tuk zur Post gno da d’Celine eri Täsche cha schecke u si de zure Touristeinfo ga frage wasme cha luege u dä het üs o no gseit dasme fürnes Tuk tuk met gäube Schöudli wo vom Staat si ned me as 40B miesse zahle! Hei däm gd gseit daser das cha vergässe, sis de 3-4 mou ga probiere u hei de eis gno für 300B u das isch vou easy gsi wöu mer hei a paar Orte wöue u dä het de immer uf üs gwartet vo däm här ischs nid so düür gsi! Zersch simer sone 45m höchi Buddha Statue ga aluege u de ischs witer zum Golden Mountain wos ca. 400Stufe rengsedum ufe isch u zwüschedrin hets immer so Glogge gha wome het miesse lüte dassi eim Glück bringe u z’oberst hetme e Ussicht über Bangkok gha u ebe sone chlilne Golden Mountain ir mitti gseh! De ischs o scho weder zrüg gange u ha ganz vergässe schribe, am morge simer no dür d’Lädelistrass :) Nach däm simer no i MC chli ga abchüele wöus schnäu andersch heiss isch gsi. Die hei da sogar e MC Lieferservice gha^^ Nach üsere Tour hemer üs paar Frieligsroue kouft u si dert bir Strass a bode ghocket u de isch sone Thaifrou zu üs ghocket u het chli met üs gschnurret, bimer gd iheimisch vorcho^^ Vis a vis hets sone Crepes lade gha u ha eigentli es Crepes wöue aber die hei dert ned würkli Crepes gha viu me Cake^^ Bim eint Cake heisi eifach mehreri Crepes ufnang bige u zumne Chueche gformt^^ De hani haut es Stück Chueche gno u es Kafi, isch ämu guet xi :)  De hemer üse Arsch weder mou zrüg is Hostel bewegt u hei dert sone Kiddychochshow gluegt u chli umeturnet^^ Später simer de no is Internet abe, aso mitem Handy oder Laptop, ha de meter Panida skypet, si het d’Operation guet überstande u si planet im Dezämber weder zrüg i d’Schwiz cho, so schön :) Nach däm simer nur no ga ässe u de ga penne, si tod gsi!

28.4.13: Es rückt nöcher, morn gats hei i d’Schwiz! :) Bi scho langsam krebbelig! Etz beni mou ufgstande, isch ca. 9.40 u ga gloub mou ga zmörgele. Si isch de gd ufgstande woni gange bi u ha gseit dasi dert uf si warte, ha ou gwartet aber si isch immer noni cho u de beni mou zrüg gloffe u de isch si gd parat xi, de simer haut nomou dert ane^^ De hemer gseit ider Hitz gömer nomou zrüg, de simer chli im Internet umeghange u i ha nomou es Nickerli gmacht u um die 3 ume hemer de mou üse Arsch bewegt! De simer zersch i paar Hostel ga fraage für d’Celine u de simer dert so am Fluss entlang gloffe, het schön usgseh aber o gstunke! De simer schösch no chli umegloffe u si bi some schrott huus hendere u dert isch es BP gsi u si für d’Celine ga frage u de het gd eini e Glatze la schnide u de het dä gfragt öbmer o wei häre ha u mer hei gseit ja das hemer o wöue frage aber nur für chürzer schnide aber schlussändli ischs üs z’lang gange u heis de bimne Coiffeur für 50B. la mache^^ Ab zrüg zu üsere Stammbeiz ga s’letscht mou Znacht zäme gniesse u de simer ga düscherle u ine usse Bar es Bierli ga trinke. Am Schluss simer nomou i üses Stammrestaurant woni Mango u Stickirice gässe ha u si nomou es Bier gno het u de ischs ab ga penne, isch o scho 2 gsi, s’letscht mou imne frömde Bett :O chas gar nid gloube!

29.4.13: DER Tag ist hier, ungloublech! Bi natürli weder mou friech wach gsi, so um die 9ni beni mou ufgstande. S’letscht mou bire Duschi ohni Vorhang ga dusche wo nächär die ganzi schissi nass isch^^ De beni zrüg is Zimmer u d’Celine isch immer no am penne gsi obwousi gseit het dassi friech ufwet u zum Konsulat wet wäge Laos! S’Natel isch vereckt u wäg däm isch o ke Alarm ab, si hets geschter öberem abkouft u isch logischerwis es klauts oder so gsi wöu es si no dütschi Nachrechte droffe gsi u si het ame o Thai SMS becho^^ I bi de fang mou bi üsem Hotel ga zmörgele u si isch nächär de o mou cho u de heisech üsi wäge trennt, si isch zum MBC u ig bi zrüg i Ruum ga hange das dert schön chiu isch gsi, ume Mittag beni de mou ga Frieligsroue u Mango mit Sticki rice ga ässe u no i 7eleven ga m&m’s u es coci hole u zrüg i Ruum ga Tv luege u hange^^ Um die haubi 3 ischsi de mou zrüg cho u het gseit weme am Taxi seit si söue dr Meter setze chunds meischtens viu günstiger, etz hemer haut gäng z’viu zaut -.- Aber dr Taxifahrer isch schiins ou easy druffe gsi aber si hets e vergäbe gmacht wöu metem Schwizerpass chame für 2 Woche ohni Visa übere^^ De beni met ere no ga ässe u si de zrüg u hei no dunge miesse warte dasi dr ruum putzt hei wöu d’Estelle u Louis nächär dert ine chöme, d’Celine hetsech doch für das Hostel entschede! De simer chli im Internet umeghanget... De simer nomou i üsi Stammbeiz ga ässe obwoumer beidi noni so hunger gha hei u si de o weder zrüg is Hostel da mer ebe uf d’Estelle u Louis gwartet hei. Si si de öbe am haubi 8ti cho u ha de gd mou chöne Hallo säge u de ischs o scho ab is Taxi a Flughafe, d’Celine hetmi no begleitet :) Hetmi meega gfröit <3 Es isch es meega komischs gfühl, es chond eim so vor dasmer eifach weder mou nöime anders ane Flüge u hami o a se gwöhnt. De het si no es Pain ou Chocolat gha u ig es Tiramisu metere Schoggimiuch. Hase iglade u no 100B gä, bruchse ja nüm^^ U de isch dr Absched cho, e dicke fette Knuddel hets gä u mer si fasch Träne cho u zum Schluss hetsimer no e Brief i d’Finger drückt! Mer chöme etz scho Träne weni das mues schribe! Si hetsech im Brief bedankt für die geili zit ou wenn’s mängisch ned so eifach isch gsi aber se wird me sicher nie vergässe, ig si sicher o nid <3 De ischs los rechtig Flugi u de los, die qualvolle 12h überläbe! Has baud gschafft, sogar ohni TV da mine kaputt isch gsi -.- ha sogar chli chöne penne :) No 1h u de landi im schöne Switzerland, chas gar nid gloube! S’Mam houtmi ab u dänke niemer anders wert dert si da i sone dummi Zit achume, 6.40! Aber Fabe, Padi u Alex si am abe verbi cho :) Freumi so meeega meega fescht aui weder gse! So etz gets no Zmorge u de landi mou . See you once…das wär mini liebi Gschecht gsi vo mim haubi Jahr Usland!!! Mi Onku isch o no am Flughafe gstande wöu s'Mam ned elei het wöue fahre^^ De simer no zude Grosöutere.

U ha die nächschte Wuche hani aui weder droffe u bi jedem einzelne simer fasch Träne cho u riise Gfühlsdurenand <3 Aber leider nach paar Woche beni ou vou ines Loch gheit wöus haut es totau anders Läbe isch gsi aber zum Glück hani nach 6 Woche dehei temporär chöne afo schaffe u etz nach fasch 4 Monet zrüg isch s'Gfühl do as wäri gar nie so lang wäg gsi aber vermisse immer weder chli die Zit u Byron Bay...